72 саастаах Нерюнгри олохтооҕо түөкүттэргэ иккис төгүлүн албыннатта

Нерюнгри куорат 72 саастаах олохтооҕо полицияҕа иккистээн түөкүттэргэ албыннаппытын туһунан сайабылыанньа суруйда.

Аҕам саастаах киһи былырыын бастакы төгүлүн албыннатан, инвестицияҕа харчы үлүннэрэргэ суоттанан, улахан суумалаах харчыттан маппыта биллэр. Бу сырыыга кини эмиэ түөкүттэргэ итэҕэйэн, урут «Traiding Point» хампаанньаҕа уган сүтэрбит 600 000 солк. харчыны төнүннэрэргэ эрэннэрбит. Уон хонук устата түөкүттэр албыннааннар, эмсэҕэлээччэ счетуттан барыта 29 485 солк. харчыны уорбуттар.

— Ытыктабыллаах гражданнар! Инвестициянан түргэн үбү-харчыны үлэннэрэн ыларга араас дьоҥҥо итэҕэйимэҥ, урут угуллубут харчы төннөрүллэрин эрэннэрэр буоллахтарына эмиэ хаттаан харчыгытыттан  матыаххытын сөп, – диэн ИДьМ сулууспатын Нерюнгри отдела иһитиннэрэр.