740 киһи кэлим реабилитацияна ааста

Өрөспүүбүлүкэтээҕи социальнай-чэбдигирдэр кииҥҥэ 393 байыас уонна кинилэр дьиэ кэргэттэриттэн 355 киһи кэлим реабилитацияны аастылар. Бу туһунан киин дириэктэрэ Асида Алексеева иһитиннэрдэ.

«Бу үлэ Ил Дархан Айсен Николаев сорудаҕынан ыытыллар. Кэлим реабилитацияны 393 байыас уонна 355 кинилэр чугас дьонноро аастылар«, — диэн бэлиэтиир кини.

Манна байыаннай дьайыы кыттыылаахтарын уонна кинилэр дьиэ кэргэттэрин доруобуйаларын көрөллөр, социальнай-психологическай  турукка болҕомтолорун уураллар.  Тэрилтэ «Самородок» бассейны кытары үлэтин салгыыр. Анал сөтүөлүүр сиргэ байыаннай дьайыы кыттыылаахтарыгар дьарык ыытыллар. Маны таһынан Арчы дьиэтигэр алгыс оҥоһуллара сэргэхситэр.

Кииҥҥэ маны сэргэ байыастарга уонна кинилэр чугас дьонноругар сүбэ-ама оҥороллор. Өрөспүүбүлүкэ тэрилтэлэрин, түмсүүлэр бэрэстэбиитэллэрин кытары 63 көрсүһүү ыытыллыбыт.

СӨ Ил Дарханын уонна Бырабыыталыстыбатын пресс-сулууспата