Салгыы
80 саастаах кыттааччылар хайыһарга күрэхтэстилэр

80 саастаах кыттааччылар хайыһарга күрэхтэстилэр

29.03.2023, 13:44
Хаартыска: Дьокуускай куорат дьаһалтатын пресс-сулууспата.
Бөлөххө киир:

Дьокуускайга бэтэрээннэргэ хайыһарынан сүүрүүгэ эстафета буолла. Эстафета IX Бэтэрээннэр спартакиадаларын чэрчитинэн ыытыллар, быйылгы Үлэ сылыгар ананар.

Дьокуускай куорат дьаһалтатын пресс-сулууспата.

Кулун тутар 28 күнүгэр Сайсары күөл мууһугар куорат 8 уокуругуттан уонна Тулагыттан 9 хамаанда күрэхтэстэ. Эстафетаҕа 55-тэн үөһэ саастаах дьахталлар, 60-тан үөһээ саастаах эр дьон кыттан, 1 км уонна 2 км сүүрдүлэр. Хамаандалар 4-түү киһилээхтэр: 2 дьахтар уонна 2 эр киһи.

Саамай аҕа саастаах кыттааччынан 82 саастаах Михаил Басов буолар. Оттон Галина Сыромолотова — 81 саастаах. Кинилэр спорду, чөл олоҕу өрө тутан, уһун үйэлэнэн, өр кэмҥэ чэгиэн-чэбдик сылдьан, көхтөөх олоҕу талан, эдэр дьоҥҥо үтүө холобур буолаллар.

Спартакиаданы Дьокуускай куорат социальнай көмүскэл управлениета уонна Бэтэрээннэр сэбиэттэрэ, “Ветеран” кулууп тэрийдилэр.

Куорат спартакиадата аҕам саастаах дьоҥҥо физкултуураны, чөл олоҕу тарҕатарга, элбэх дьону түмэргэ, доруобуйаларын бөҕөргөтөргө, бэтэрээннэр истэригэр бастыҥнары таларга туһуланан ыытыллар.

Дьокуускай куорат дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -10°C
  • Ощущается: -17°Влажность: 41% Скорость ветра: 6 м/с

Сообщить об опечатке

Текст, который будет отправлен нашим редакторам: