2022 сылга алтынньыга диэри өрөспүүбүлүкэҕэ 8551 оҕо төрөөтө, онтон 6,6 тыһыынчаттан тахса дьиэ кэргэн 100 тыһыынча солкуобайдаах “100 сыл оҕолоро” хапытаалы ыллылар. Бу хапытаал быйыл, Саха АССР тэриллибитэ 100 сылыгар төрөөбүт оҕолорго бэриллэр.
Хапытаалы олорор усулуобуйаны тупсарарга, тырааныспар атыылаһарга, кэтэх хаһаайыстыбаны сайыннарарга, оҕо үөрэнэригэр уонна эмтэнэригэр ыытыахха сөп. Ону тэҥэ, 3 саҥа хайысха эбиллэн биэрдэ: оҕо аатыгар уурунуу кылаатын арыйарга, Арассыыйа устун сынньана барарга уонна оҕо олоҕун, доруобуйатын страховкалааһыҥҥа.
Быйыл 1388 дьиэ кэргэн 122 мөлүйүөн солкуобай суумалаах хапытаалын туһанна. Олорор усулуобуйаны тупсарыыга 88 мөлүйүөн солкуобайы, тырааныспары атыылаһыыга 32 мөлүйүөн солкуобайы ыыппыттар. Сорох үбү оҕо аатыгар уурунуу кылаакка уонна страховкаҕа туһаммыттар.
Айсен Николаев эппитинэн, “100 сыл оҕолоро” хапытаал кэлэр сылга эмиэ бэриллэр буолла. Өрөспүүбүлүкэ нэһилиэнньэтэ 1 мөлүйүөн киһилээх кирбиигэ чугаһаан иһэр. Саха АССР тэриллибитэ 100 сылыгар 1 мөлүйүөннээх кирбии куоһарыллара күүтүллэр.
СӨ Үлэҕэ уонна социальнай сайдыыга миниистирэ Елена Волкова Өрөспүүбүлүкэ күнүгэр «Үйэ саас» бочуоттаах бэлиэни Федора…
Аллайыаха улууһун саамай түгэх сытар Бөрөлөөх нэһилиэгэр суолу баттаһа олохтоох дьаһалта сыллааҕы бэнсииннэрин аҕалтарда. Онон…
Намнар сыллата маннык үтүө тэрээһини тэрийэн ыыталлар. Бу туһунан улуус дьаһалтатын пресс-сулууспата суруйар. Саха Өрөспүүбүлүкэтин…
Горнай улууһун Солоҕон нэһилиэгэр ханна да буоларын курдук сааскы түбүктэрэ үгүс. Ол курдук, олохтоохтор ыабыт…
Бэҕэһээ Дьокуускайга Саха сирин Волейболга Федерациятын уочарата суох киэҥ ыҥырыылаах мунньаҕа буолла. Мунньахха Федерация бэрэссэдээтэлин…
Уһук хотугу эргимтэҕэ сытар Өлөөн оройуонугар "Кэнчээри" оҕо сайдар киинин иһинэн өрөспүүбүлүкэтээҕи "Эркээйи эргиирэ" пилотнай…