«Биһиги сааҥсыйа кэмигэр дойдуга бастакынан ИТ-хампаанньалары өйүүргэ быһаарыы ылыммыппыт. Бу маннык өйөбүл дьоҕус тэрилтэлэр бэйэлэрин каадырдарын уонна үлэ миэстэтин оннунан хаалларалларыгар туһаайыллыбыта. Биһиги бөдөҥ ИТ-хаампаанньаларбыт аан дойду ырыынагар үлэлэһэр буолан, биллэн турар, биисинэс докумуоннарын толорууларыгар, атыыга-эргиэҥҥэ уустуктар бааллара. Салгыы сайдар хайысханы тобулууга, тосхоллору торумнуурга тустаах кэпсэтии ыытыллара олус наада. Онон бу дьыалабыай көрсүһүү Саха сиригэр ыытыллара үөрүүлээх суол, — диэн бэлиэтээтэ Ил Дархан Айсен Николаев. Спикердэр сүрүн кэпсэтиилэрэ «Арассыыйа ИТ-индустрията сайдыы ханнык көрүҥүн тутуһуой? Хайдах технологическай держава буола сайдабыт уонна судаарыстыба уонна биисинэс бу соругу ситиһэр инниттэн хайдах биир санааҕа кэлиэхтэрин сөбүй?» диэн боппуруостары дьүүллэһиэхтэрэ.
Тэрээһин дьыалабыай бырагыраамата үс хайысханан барыаҕа: «Технологическай держава», «Сыыппара медиа» уонна «Көмпүүтэр оонньууларын таҥыы». Манна хас да сиэссийэ үлэлиэҕэ. Барыта 25 дьыалабыай тэрээһин бырагыраамаҕа киирдэ. Онно 100 спикер уонна модератор үлэлиэҕэ. Ыалдьыт быһыытынан Уһук Илиннээҕи филиалын дириэктэрэ Андрей Карташов, «Гарда Технологии» хампаанньа салайааччыта Михаил Савельев, МФТИ ректора Дмитрий Ливанов, Томскайдааҕы судаарыстыбаннай университет ректора Эдуард Галажинскай уонна Kaspersky хампаанньа генеральнай дириэктэрэ Евгений Касперскай кыттыахтара.
Пуорум саайта — https://digitaldiamond.tech
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…