Ааспыт нэдиэлэҕэ полицейскайдар 115 лиитирэ итирдэр бородууксуйаны тутан ыллылар

Дьокуускайга ааспыт нэдиэлэҕэ “Якутское” ИДьМ МУ үлэһиттэрэ эриэйдэҕэ сылдьан, сокуону кэһэн туран арыгыны атыылыыр 4 чахчыны булан ылан, 115 литр итирдэр утаҕы тутан ыллылар.

Воинскай, Богдан Чижик уулуссаларыгар уонна Марха түөлбэтигэр турар маҕаһыыннар атыыһыттара сокуонунан олохтоммут бириэмэни кэһэн, 20:00 чаас кэнниттэн атыылыы турбуттара билиннэ.

Сокуоннай саастарын туола илик оҕолор иниспиэктэрдэрэ Якутскай уулуссаҕа баар маҕаһыыҥҥа улаатан эрэр оҕоҕо арыгыны атыылаабыттарын булан ыллылар.

Сокуону кэһээччилэргэ РФ КоАП 14.17.1 ыст. 1 ч., 14.16 ыст. 2 ч. уонна 14.2 ыст. административнай боротокуоллар оҥоһулуннулар.

Арыгы сокуонун кэһиини сэрэтэр, булан ылар уонна бобор сыаллаах полиция профилактическай эрийэдэлэрэ салҕаналлар, диэн иһитиннэрэр “Якутское” РФ ИДьМ МУ пресс-сулууспата.