Хаартыска: www.perfectstock.ru
Саха сиригэр «ЭКО» ньыматынан былырыын 52 оҕо төрөөтө. Бу ньыма «экстракорпоральнай буоһатыы» диэн ааттанар, ол эбэтэр, судургутук быһаардахха, үөскэҕи пробиркаҕа буоһатан баран, ийэ киэлитигэр угаллар. Бу кыайан хат буолбат дьоҥҥо олус туһалаах ньыма.
2024 сылга Саха сиригэр 300 кэриҥэ буоһатыы оҥоһуллубута. Тэҥнээн көрөр буоллахха, 2013 сыллаахха 60 буоһатыы оҥоһуллар этэ. Бу сылларга мэдиссиинэ технологиятын ахсаана эрэ буолбакка, көдьүүһэ эмиэ улаатта. «ЭКО» ньыматын көмөтүнэн, ааспыт сылга 52 оҕо төрөөтө, онон ньыма 30% көдьүүстээҕин көрдөрдө диэн доруобуйа харыстабылын министиэристибэтэ иһитиннэрэр.
Маннык ньыманы Перинатальнай кииҥҥэ 2001 сылтан оҥорор буолбуттара. Билигин М.Е. Николаев аатынан 1-кы №-дээх Өрөспүүбүлүкэтээҕи балыыһаҕа-Национальнай мэдиссиинэ киинигэр «ЭКО» ньыматын былааннаахтык элбэтэллэр, ол эбэтэр, кыайан оҕоломмот элбэх ыалга көмөлөһөллөр.
2025 сылга быраастар 350 процедураны былааннаабыттар. Кэнники 2 ый иһигэр номнуо 50-ча процедураны оҥорбуттар.
— Дьахтар хас да сылы быһа хат буолбатаҕына, олорор сиринэн дьахтар консультациятыгар баран көрдөрүнэр, чинчийиини ааһар. Онтон Перинатальнай киин репродуктивнай технология отделениетыгар «направление» ылар. Быраастар тута «ЭКО» оҥоробут диэн быһаарыныыны ылымматтар. Бастаан оҕоломмот буолууну эмтииллэр. Ол эрэ кэнниттэн, туох да көмөлөспөтөҕүнэ, кэлбит дьахтар 30%-гар «ЭКО» ньымата оҥоһуллар. Сыллата кыайан оҕоломмот ыал ахсаана эбиллэн иһэр, онон «ЭКО» процедуратын ахсаанын эмиэ элбэтэр сорук турар, — диэн миниистири солбуйааччы Татьяна Павлова кэпсээтэ.
«ЭКО» процедурата «Дьиэ кэргэн» национальнай бырайыак тэрээһинин быһыытынан ыытыллар. 2013 сылтан «ЭКО» өҥөтүн булгуччулаах мэдиссиинэ страховкатын полиһынан босхо ылыахха сөп.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…