Хаартыска: Мария Васильева, СИА.
Дьокуускайга элбэх оҕолоох дьиэ кэргэттэргэ уонна байыаннай дьайыы кыттыылаахтарыгар босхо сир учаастактарын түҥэтии салҕанар.
Куорат баһылыга Евгений Григорьев иһитиннэрбитинэн, 2024 сыл ахсынньытыттан 1889 элбэх оҕолоох ыаллар сир ылбыттар. Ол иһигэр:
Бүлүүлүүр аартык 16-с килэмиэтиригэр 960 учаастагы, Намсыыр аартыгар — 929 учаастагы.
2026 сыл бастакы кыбаарталыгар Тулагы-Киллэм сириттэн 100 учаастагы биэриэхтэрэ. Ман тэҥэ, Тулагы-Киллэм сириттэн өссө 1100 учаастагы ыларга үлэ бара турар, 2016 сыл бүтэһигэр түҥэтиэхтэрин сөп.
— Дьокуускай куорат элбэх оҕолоох ыаллара учаастак оннугар харчынан толуйуу төлөбүрүн хото ылаллар. Барыта 1179 ыал маннык төлөбүрү ылыбта. Бу төлөбүр 2025 сыл кулун тутар ыйыттан үрдээн, 300 тыһыынча солкуобайга тэҥнэспитэ, — диэн Евгений Григорьев этэр.
Оттон байыаннай дьайыы кыттыылаахтарыгар биэрэргэ барыта 1396 учаастагы бэлэмнээбиттэр: Киллэмҥэ — 961, Табаҕаҕа — 435.
2025 сыл олунньутуттан кинилэргэ барыта 820 учаастагы түҥэппиттэр: Тулагы-Киллэмҥэ — 509, Табаҕаҕа — 311.
Ахсынньы 18 күнүгэр элбэх оҕолоох ыалларга, ахсынньы 19 күнүгэр байыастарга анаан аныгыскы түҥэтии буолара күүтүллэр.
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…