sakha.gov.ru
Саха сиригэр 2025 сылга барыта аҕыс хочуолунай үлэҕэ киллэриллибит.
Бу бырайыактары олоххо киллэрии нэһилиэнньэлээх пууннары итиинэн хааччыйыы эрэллээх буолуутун үрдэтиигэ, эргэрбит хомунаалынай инфраструктураны түһүмэхтэринэн саҥардан оҥорууга уонна саахал тахсар кутталын аччатыыга үлэни ыытыыга туһуланар.
Таатта улууһугар Чычымахха 7,2 МВт кыамталаах «Саҥа оскуола» механизированнай хочуолунай үлэҕэ киирбитэ. Бу улууска Боробул бөһүөлэгэр 5,76 МВт кыамталаах саҥа хочуолунай тутуллан, эргэрбит «Оскуола» хочуолунай солбулунна. Чурапчы улууһугар Үрүҥ Күөлгэ 1,5 МВт кыамталаах «Хадаар-1» хочуолунай тутуута түмүктэннэ. Хаҥалас улууһугар Кытыл Дьурааҕа 3,48 МВт кыамталаах хочуолунай үлэҕэ киллэрилиннэ. Мэҥэ Хаҥалас улууһугар Балыктаахха 4,64 МВт кыамталаах чоҕунан оттуллар хочуолунай тутулунна. Үөһээ Бүлүүгэ Баҕадьа с. 2,5 МВт. кыамталаах «Квартальнай» хочуолунай үлэҕэ киирбитэ. Маны таһынан, Удачнайга 2025 сылга икки хочуолунайы айылҕа гааһыгар көһөрөн тэхиньиичэскэй өттүнэн саҥардыы бырайыага олоххо киирбитэ.
Быйыл Уус Алдан улууһугар Бороҕоҥҥо «Запад-2» аныгы механизированнай хочуолунайы үлэҕэ киллэрэр былааннаахтар. 24 МВт кыамталаах эбийиэк өрөспүүбүлүкэҕэ биир бөдөҥ хочуолунайынан буолуоҕа. Итиэннэ тута түөрт эргэрбит «РАПО», «РДК», «Кэскил», «Киин» хочуолунайдары солбуйуоҕа.
Тэҥнээн көррөр буоллахха, 2024 сыллаахха Саха сиригэр барыта 14 саҥа хочуолунай үлэҕэ киирбитэ. Эбийиэктэр Аммаҕа, Мэҥэ Хаҥаласка, Томпоҕо, Өймөкөөҥҥө, Дьааҥыга, Алдаҥҥа, Чурапчыга, Тааттаҕа, Дьокуускайга тутуллубуттара. «Звезднай» түөлбэҕэ тутуллубут эбийиэк саамай улахан хочуолунайынан буолбута.
Сиһилии: https://www.sakha.gov.ru/news/18651
СӨ Ил Дарханын уонна Бырабыыталыстыбатын пресс-сулууспата
Уруу-аймах ааттарын төһө билэҕин? Бадьа, биллэх диэн кими ааттыылларый? Саха ыалын халандаарыгар бу туһунан баар.…
Быйыл Өймөкөөҥҥө экстремальнай марафон элбэх ахсааннаах кыттааччынан рекорду олохтуур соруктаах ыытылынна. Ол курдук, былырыыҥҥы тэрээһиҥҥэ…
Бүгүн, тохсунньу 17 күнүгэр, Тымныы полюһунан аатырар Өймөкөөн улууһугар аан дойдутааҕы таһымнаах улахан успуорт тэрээһинэ…
Тохсунньу томороон тымныыта түһэн турар. Баччаларга Саха сирин үрдүнэн таҥха кэмэ саҕаланар, сүллүүкүүттэр тахсаллар. Аныгы кэмҥэ ким да кинилэри илэ көрбүтэ суох эрээри, дьэ хата кимнээҕэр дьон олоҕор “орооһоллор” үһү. …
Горнай улууһугар Атамай орто оскуолатыгар үөрэнээччилэр кыһыҥҥы сынньалаҥнарын кэмигэр устудьуоннары кытта истиҥ-иһирэх көрсүһүү буолла. Биһиги…
Байыаннай дьайыыга тыһыынчанан миэдик үлэлиир. Олортон биирдэстэринэн байыаннай дьайыы кыттыылааҕа, миэдик идэлээх, «За отвагу», «Спасение…