Арассыыйаҕа Учуутал уонна уһуйааччы сылынан, Ньурба улууһун Дьиикимдэ нэһилиэгэр Култуура уонна Дохуобунас сыла биллэриллибитинэн, «Абакайаада аартыгынан» моно-испэктээк күрэс-бэстибээлэ буолуоҕа.
Кулун тутар 30 күнүгэр Саха Өрөспүүбүлүкэтин үтүөлээх артыыһа, Былатыан Ойуунускай аатынан Саха тыйаатырын артыыската Маргарита Михайловна Борисова аатыгар ыытыллар аһаҕас моно-испэктээк күрэхтэһии-бэстибээли «Ньурба улууһа (оройуона)» муниципальнай оройуон, Култуура департаменын казеннай тэрилтэтэ, «Дьиикимдэ нэһилиэгэ» тыа сирин түөлбэтин дьаһалтата, Дьиикимдэтээҕи «Дьулуур» норуот айымньытын дьиэтэ тэрийэллэр.
Бэстибээл сүрүн соругунан Саха Өрөспүүбүлүкэтин үтүөлээх артыыһа Маргарита Борисова аатын Дьиикимдэтээҕи норуот айымньытын дьиэтигэр иҥэрии, кини оонньообут оруолларынан, дьахтар уобараһын киэҥ эйгэҕэ тарҕатыы уонна уопсастыба олоҕор ыччат көҕүн үрдэтии, чөл-чэбдик олоххо көҕүлээһин буолаллар.
Күрэхтэһии-бэстибээл ирдэбилинэн, кыттааччы икки тиэмэни 15 мүнүүтэ иһигэр арыйар: Маргарита Борисова оонньообут оруолларыттан дьахтар уобараһын толоруу (уобараһы толору арыйарга 1 көмөлөһөөччү артыыс көҥүллэнэр) уонна көҥүл тиэмэ бэриллэр.
1, 2, 3 истиэпэннээх лауреаттар, дипломаннар быһаарыллыахтара. «Бастыҥ дьахтар оруола», «Көрөөччү биһирэбилэ», «Маргарита Борисова анал бирииһэ» диэн анал ааттар иҥэриллиэхтэрэ. Хас биирдии кыттааччыга Туоһу сурук туттарыллыаҕа.
Кылаан бириис — 50 000 тыһ.солкуобай. Ону таһынан, Дьиикимдэ сорсуннаах сонордьуттара, байанайдаах булчуттара бултаабыт хара тыа мааны күндү түүлээҕинэн, кырымахтаах саарбаттан тигиллибит Абакайаада бэргэһэтинэн наҕараадаланыахтара.
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…