Хаартыска sakha.gov.ru ылылынна
РФ Бэрэсидьиэнэ Владимир Путин, ахсынньы 14 күнүгэр, быһа кэпсэтиигэ эрэгийиэн аайы бренд сайдыытын, ол иһигэр өйүүр бырагырааманы оҥоруу туһунан сыалы-соругу туруорбута.
Саха сиригэр олохтоох бренди өйүүргэ бырагырааманы кэлэр сылга оҥорон таһаарар туһунан Саха сирин сайдыытын корпорациятын генеральнай дириэктэрэ Афанасий Саввин иһитиннэрдэ.
«Быһа кэпсэтии кэмигэр РФ Бэрэсидьиэнэ Владимир Путин эрэгийиэн аайы бренди сайыннарыыны, ол иһигэр ону өйүүр бырагыраама баар буолуохтааҕын туһунан эттэ. Саха сиригэр улахан ырыынакка тахса сатыыр бренди билиҥҥитэ бэйэбит эрэ испитигэр сайыннарабыт. Аныгыскы сылга биһиги, отуттан итэҕэһэ суох тэрилтэни хабан, үлэни өйүүр бырагырааманы оҥорон таһаарыахпыт. Онно олохтоох бэйэ оҥоһуктарын атыы-эргиэн ситимнэрин уонна онлайн-маркетплейстары, атыы-эргиэн былаһааккаларын кытары сибээһи олохтооһуҥҥа болҕомто ууруллуоҕа. Аан дойдуга тарҕаммыт үөрүйэх көрдөрөрүнэн, хайа баҕарар бэйэ оҥорон таһаарыыта, сатаатар түөрт сезон устатыгар киэҥ далааһыннаахтык ыытыллар атыы-эргиэн ассортименыгар баар буолуохтааҕа ирдэнэр. Бу атыылаһан ылааччылар бэрэбиэркэлээн көрөллөрүгэр уонна атыылаһааччылар төһө сэҥээрэллэрин, сэргииллэрин көрөллөрүгэр диэн. Саҥа бренд биллэн турар уустугу көрсөр. Маныаха өйүүр бырагыраама сыала-соруга — бу уустук суолу этэҥҥэ ааһалларыгар уонна улахан хампаанньаҕа тиийэ үүнэллэригэр көмөлөһүү буолар», — диэн санаатын үллэстэр Афанасий Саввин.
СӨ Ил Дарханын уонна Бырабыыталыстыбатын пресс-сулууспата
Бүгүн, олунньу 3 күнүгэр, Бүтүн Арассыыйа Наукатын уонна Үөһээ Бүлүү улууһун тэриллибит күнүн көрсө, улуус…
Ньурба улууһун Күндээдэ сэлиэнньэтигэр буолбут дьулаан түбэлтэ элбэх дьону долгуппута. Санатан эттэххэ, онно икки эр…
Бүгүн Дьокуускайга «Патриот» ыччат киинигэр улахан суолталаах тэрээһин, «Доруобуйаларын чөлүгэр түһэрии уонна өйөөһүн: байыаннай дьайыы…
«Якутскэнерго» АУо киин уот ситимнэрин энергетиктара 2026 сыллааҕы өрөмүөннүүр хампаанньаны саҕалаатылар. Энергетиктар араас күүрүүлээх кылаастаах…
Дьокуускай куорат суута 31 саастаах Нам улууһуттан төрүттээх киһини РФ Холуобунай кодексатын 207-с ыстатыйатын 1-кы…
Аан дойдуга буола турар балаһыанньаны «Сэмсэ тыл» биэриигэ политолог Чокуур Гаврильев ырытар.