Хаартыска: PxHere
Дьокуускай куорат суута 31 саастаах Нам улууһуттан төрүттээх киһини РФ Холуобунай кодексатын 207-с ыстатыйатын 1-кы чааһынан буруйдааҕынан билиннэ.
Ааспыт сыл балаҕан ыйын 18 күнүгэр түүн Дьокуускайга Ленин проспегын 8-с нүөмэрдээх дьиэтин аттыгар итирик туруктаах сылдьан, күлүгээнниир санааттан «112» суһал сулууспаҕа эрийбит. Кини биэс мүнүүтэнэн эстэр тэрили илдьэ сылдьарын туһунан сымыйанан эппит. Буруйу оҥорооччу бомба Орджоникидзе болуоссатыгар, ФСБ Управлениетын дьиэтин аттыгар ууруллубутун тыллаабыт, бэлэмнэнэр террористическай дьайыы туһунан сымыйа иһитиннэриини тарҕаппыт.
Быһылаан тахсыбыт сиригэр ИДьМ сулууспатын тус састаабыттан икки тиэхиньикэлээх 4 үлэһитэ кэлэн, иһитиннэриини бигэргэппэтэхтэр, эстэр эттиктэри уонна тэриллэри булбатахтар.
Сууттанааччы сокуону кэһэр дьайыыларын түмүгэр, терроризм содулларын сэрэтэр уонна туоратар эпэрээссийэлэргэ кыттар быраабы араҥаччылыыр уорганнар күүстэрэ уонна эбийиэктэрэ сулууспалыыр эбээһинэстэриттэн аралдьыйбыттар, ону таһынан ИДьМ сулууспатыгар 1 179 солк. суумалаах матырыйаалынай хоромньу оҥоһуллубут.
Суут мунньаҕар эр киһи буруйун билиммит уонна дьыаланы оҥорбутун кэмсиммит. Суут буруйу оҥоруу уопсастыбаҕа кутталын хараахтарын уонна истиэпэнин учуоттаата. Накаастабылы сымнатар быһыынан-майгынан буруйу толору билинии, кэмсинии, кыра саастаах оҕолооҕо ааҕылынна. Накаастабылы ыаратар быһыыны-майгыны суут булбата.
«Этиллибити учуоттаан, суут эр киһини буруйдааҕынан билиннэ уонна суотабай төлөппүөнүн былдьаан туран, 1 сыл болдьоххо көҥүлүн хааччахтыыр накаастабылы анаата. Бириигэбэр сокуоннай күүһүгэр киирэ илик», — диэн СӨ Сууттарын холбоһуктаах пресс-сулууспата иһитиннэрэр.
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…