Аҕа дойду буойуннарын дьиэ кэргэттэрин кэмитиэтэ Санкт-Петербурга биир дойдулаах волонтердарыгар махтанна

Аҕа дойду буойуннарын дьиэ кэргэттэрин кэмитиэтин Саха сиринээҕи салаатын салайааччыта Светлана Диодорова-Лаврентьева Санкт-Петербурга байыаннай госпиталларга эмтэнээччилэргэ босхо көмөлөһөр волонтердарга сырытта. “Волонтеры Саха-Питер” холбоһук уопсастыбанньыктара уонна волонтердара госпиталларга эчэйбит биир дойдулаахтара кэлиэхтэриттэн  ыла бааллар.

Кини бэлиэтээбитинэн, бу кэмитиэт үлэлээбит кэмигэр госпиталларга 3 туонна гуманитарнай көмөнү дьонтон хомуйан тиксэрдэ. Аҕыйах хонуктааҕыта кини “Волонтеры Саха-Питер” хамсааһын кыттыылаахтарыгар аһылык сайыҥҥы саппааһын харайар тымнытар лаары биэрдэ.

“Санкт-Петербург госпиталларыгар эмтэнэр байыаннай сулууспалаахтары өйөөһүн туһунан кэпсэттибит. Саха Өрөспүүбүлүкэтин Бырабыыталыстыбатын Бэрэссэдээтэлин Андрей Тарасенко махтал суругун бу түмсүүгэ туттардым”,— диэтэ Саха сиринээҕи салаа салайааччыта Светлана Диодорова-Лаврентьева.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.