Киин куорат дьаһалтатын пресс-сулууспата
Аҕа дойду Улуу сэриитин бэтэрээнэ Кирилл Егорович Павлов 99 сааһын үөрүүлээх күнүнэн Дьокуускай куорат дьаһалтатын аатыттан Дьокуускай куорат баһылыгын бастакы солбуйааччы Георгий Гаврильев уонна Үлэҕэ уонна социальнай сайдыыга миниистирэ Елена Волкова эҕэрдэлээтилэр.
Георгий Гаврильев Аҕа дойду Улуу сэриитигэр Кыайыыга уһулуччулаах кылаатын иһин Кирилл Егоровичка дириҥ ытыктабылын биллэрдэ. Дьокуускай олохтоохторугар эйэлээх халлаан иһин улахан махталын биллэрдэ. Ону таһынан ытык кырдьаҕас дьиэ кэргэттэригэр истиҥ-иһирэх тыллары эттилэр.
Дьокуускай куорат баһылыгын бастакы солбуйааччы Кирилл Егоровичка кытаанах доруобуйаны, уһун олоҕу, чэгиэн-чэбдик буолууну, дьолу-соргуну баҕарда.
Кирилл Павлов – тыыннаах легенда, Улуу Сэрии кыттыылааҕа, туоһута. Кини дьоруойдуу олоҕун историята Кыһыл Аармыйа кэккэтиттэн саҕаламмыта, Япония милитаристарын утары сэриилэспитэ, Квантунскай аармыйаны утарылаһыыга уонна Маньчжурияны босхолооһуҥҥа быһаччы кыттыыны ылбыта. Бэтээрээн кылаата үрдүк судаарыстыбаннай наҕарааданан бэлиэтэннэ.
99 сааһыгар бэтэрээн чэгиэн уонна олоххо чаҕылхай холобурунан буолар. Төһө да ытык саастааҕын иһин, Кирилл Егорович куорат уонна өрөспүүбүлүкэ уопсастыбаннай олоҕор, ыччаты патриотическай иитиигэ көхтөөхтүк кыттар. Бу туһунан Киин куорат дьаһалтатын пресс-сулууспата суруйар.
Кирилл Егорович Павлов —биэ оҕо аҕата, 10 сиэн тапталлаах эһээтэ уонна 23 хос сиэн хос эһээтэ.
Кирилл Егорович Павлов күн сирин 1926 сыллаахха бэс ыйын 3 күнүгэр Саха АССР Бүлүү оройуонун Чочу нэһилиэгэр көрбүт. 1944 сыллаахха Сэбиэскэй Аармыйа кэккэтигэр ыҥырыллыбыт. Сэрии кэнниттэн салайар дуоһунастарга үлэлээбит, САССР VIII, IX уонна Х ыҥырыылаах Үрдүкү Сэбиэтин дьокутаатынан талылла сылдьыбыт.
«Якутскэнерго» ПАУо иһитиннэрэринэн, бүгүн, атырдьах ыйын 1 күнүгэр, Дьокуускай куоракка уонна хас да улууска уоту…
Сулустар тугу сипсийэллэр? Эйигин туох күүтэрий? ХОЙ Эниэргийэҥ муҥутуур чыпчаалга тиийэн сылдьар. Онон кэлэр нэдиэлэҕэ,…
Саха сиринээҕи УГМС саайта иһитиннэрбитинэн, бүгүн, атырдьах ыйын 1 күнүгэр, өрөспүүбүлүкэ хотугулуу-илин өттүгэр, соҕуруу оройуоннарыгар,…
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…