Хаартыска: sakha.gov.ru
2023 сыл бэс ыйын 1 күнүттэн «Аҕа дойдуну көмүскээччилэр» («Защитники Отечества») судаарыстыбаннай пуонда Саха сиринээҕи салаата 2260 көрдөһүүнэн юридическай көмөнү оҥордо.
Итинтэн 1170 киһи — болҕомтотугар сылдьар дьон. Бу туһунан олунньу 3 күнүгэр ыытыллыбыт брифинҥэ пуонда филиалын салайааччытын юридическай боппуруостарга солбуйааччыта Александр Захаров иһитиннэрдэ.
Тэрилтэ биир сүрүн хайысхата — «Аҕа дойдуну көмүскээччилэр» судаарыстыбаннай пуонда бойобуой дьайыы бэтэрээннэригэр, өлбүт уонна сураҕа суох сүппүт сулууспалаахтар дьиэ кэргэттэригэр социальнай өйөбүл бырагыраама чэрчитинэн босхо юридическай көмөнү оҥоруу. Билигин байыаннай дьайыыга сылдьар дьон уонна кинилэр дьиэ кэргэттэрэ биһигиттэн көмөнү эмиэ көрдүүллэр», — диэн бэлиэтээтэ Александр Захаров.
«Аҕа дойдуну көмүскээччилэр» судаарыстыбаннай пуонда Саха сиринээҕи салаата босхо юридическай өҥөнү оҥорууга Саха сирин борокуратууратын, Илиҥҥи байыаннай уокурук байыаннай борокуратууратын, Саха сирин тырааныспарын борокуратууратын, Киһи быраабыгар боломоуочунайын, суут бириистэптэрин федеральнай сулууспатын, Юристар ассоциацияларын, Элбэх өҥөнү оҥорор киини уонна Албакааттар уонна нотариустар балааталарын кытта анал дуогабардары түһэрсэн үлэлииллэр.
Александр Захаров иһитиннэрбитинэн, ааспыт нэдиэлэҕэ Уһук Илиҥҥи федеральнай уокурук генеральнай борокуратууратын салайааччыта Андрей Мондохоновы кытта өрөспүүбүлүкэ борокуруора Сергей Дябкин кыттыылаах тус көрсүһүү ыытыллыбыт. Онно биэс гражданин мэдиссиинэ көмөтүн хаачыстыбатыгар, кинилэр олорор сирдэрин тупсарыыга уонна кэккэ үөскүүр кыһалҕаларга сыһыаннаах боппуруостары ырыттылар. Мунньах түмүгүнэн, гражданнартан суругунан көрдөһүүлэр киирдилэр уонна боппуруостары быһаарарга сорудах бэрилиннэ.
Сиһилии https://www.sakha.gov.ru/news/19721 сигэн ааҕыҥ.
Ньурба улууһун Күндээдэ сэлиэнньэтигэр буолбут дьулаан түбэлтэ элбэх дьону долгуппута. Санатан эттэххэ, онно икки эр…
Бүгүн Дьокуускайга «Патриот» ыччат киинигэр улахан суолталаах тэрээһин, «Доруобуйаларын чөлүгэр түһэрии уонна өйөөһүн: байыаннай дьайыы…
«Якутскэнерго» АУо киин уот ситимнэрин энергетиктара 2026 сыллааҕы өрөмүөннүүр хампаанньаны саҕалаатылар. Энергетиктар араас күүрүүлээх кылаастаах…
Дьокуускай куорат суута 31 саастаах Нам улууһуттан төрүттээх киһини РФ Холуобунай кодексатын 207-с ыстатыйатын 1-кы…
Аан дойдуга буола турар балаһыанньаны «Сэмсэ тыл» биэриигэ политолог Чокуур Гаврильев ырытар.
2026 сыл бастакы ыйыгар Саха сиригэр 771 оҕо төрөөбүтүттэн 387 -- уол, 384 - кыыс…