Салгыы
До выборов президента РФ
00 дней
:
00 часов
:
00 минут
:
00 секунд
АГАТУ-га байыаннай-патриотическай слет саҕаланна

АГАТУ-га байыаннай-патриотическай слет саҕаланна

Ааптар:
06.12.2023, 17:30
Хаартыска: Николай Никитин
Бөлөххө киир:

Бүгүн, ахсынньы 6 күнүгэр, Арктикатааҕы судаарыстыбаннай агротехнологическай университекка байыаннай дьайыы кыттыылааҕа, университет үлэһитэ Владимир Владимирович Егоров кэриэһигэр анаммыт байыаннай-патриотическай слет саҕаланна.

Слет арыллыытыгар ыҥырыллыбыт Саха сирин саллааттарын ийэлэрин кэмитиэтин бэрэссэдээтэлэ Мария Емельянова: «Хатас уола Леонид Смирников бииргэ сулууспалыыр доҕотторун кытары Днепр өрүһү харбаан туораан иһэн тимирэрбит буолуо диэн куттаммыппыт. Онуоха Сэбиэскэй Сойуус Дьоруойа Федор Кузьмич Попов манна кыргыспыта — Днепры харбаан туораабыта диэн өйдөөн кэлбиппит. Онтон эр санаа ылан этэҥҥэ Днепр өрүһү харбаан туораабытын туһунан кэпсээбитэ», — диэн сырдатта.

Салҕыы: «Оҕолор үөрэххитигэр кыһаллан үөрэниҥ, идэҕитиҥ толору баһылааҥ», — диэн кэс тылларын эттэ.

Арассыыйа Дьоруойа, Саха Өрөспүүбүлүкэтин Ил Түмэн Судаарыстыбаннай мунньаҕын депутата Александр Колесов Приднестровьеҕа, Чечняҕа, байыаннай дьайыыга сулууспатын кылгастык билиһиннэрэн баран устудьуоннарга: «Эһиги бу олоҕу тутуоххут-айыаххыт. Инникигэ эрэллээхтик хардыылааҥ иһин», — диэн алҕаата.

Икки күн устата университет волонтердарын этэрээттэрэ араас күрэхтэргэ күөн көрсүөхтэрэ. Бастыҥтан бастыҥнарын быһаарыахтара.

Манна даҕатан эттэххэ, университеттан байыаннай дьайыыга 27 устудьуон кыттыыны ыла сылдьаллар.

Николай Никитин

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -37°C
  • Ощущается: -37°Влажность: 66% Скорость ветра: 1 м/с

Сообщить об опечатке

Текст, который будет отправлен нашим редакторам: