Куйаар ситиминэн, полиция үлэһиттэрэ устудьуоннарга анаммыт аһылык баһыылкатын былдьаабыттар диэн оруна суох иһитиннэрии тарҕаммытынан, официальнай иһитиннэриини биэрэбит.
Бу дьыл ахсынньы 27 күнүгэр, оперативнай-сэрэтэр тэрээһин иитинэн, Мэҥэ Хаҥаластааҕы суолга куттал суох буолуутун хааччыйар иниспиэксийэ үлэһиттэрэ “Халыма” федеральнай суол 27-с килэмиэтиригэр 50 саастаах Дьокуускай олохтооҕо ыытан иһэр КАМАЗ массыынаны тохтоппуттара. Үлэһиттэр бэрэбиэркэ кэмигэр туох даҕаны арыаллыыр докумуона суох барыллаан палеонтологическай уҥуохтары булан былдьаабыттара. Ону таһынан массыынаттан докумуона суох сааны былдьаабыттара.
Массыына ыытааччы бэйэтэ быһаарбытынан, кини таһаҕас таһыытынан дьарыктанар урбаанньыт, Дьааҥы улууһуттан Дьокуускайга аһылык илдьэн иһэр эбит. Уҥуохтары уонна сааны аара улуус олохтоохторо илдьэргэ көрдөспүттэр. Былдьаммыт малы палеонтологическай чинчийиигэ ыыппыттар. Саа хаһаайыныгар РФ “Гражданнар сааны уонна ол ботуруонун харайыылара, илдьэ сылдьыылара эбэтэр суох гыныылара” диэн административнай быраабы кэһии туһунан РФ кодексын 20.8 ыстатыйатын 4-с чааһынан административнай быраабы кэһиигэ бэрэбиэркэ бара турар.
Онтон атын таһаҕас (аһылык баһыылката) былдьамматаҕа.
Полиция, сөпкө өйдөөн, бэрэбиэркэлэммэтэх иһитиннэриигэ итэҕэйбэккитигэр уонна официальнай иһитиннэриилэргэ эрэ сигэнэргитигэр ыҥырар.
ИДьМ СӨ пресс-сулууспата.
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…