Салгыы
Аһылык баһыылката былдьамматаҕа (официальнай иһитиннэрии)

Аһылык баһыылката былдьамматаҕа (официальнай иһитиннэрии)

30.12.2022, 08:15
Бөлөххө киир:

Куйаар ситиминэн, полиция үлэһиттэрэ устудьуоннарга анаммыт аһылык баһыылкатын былдьаабыттар диэн оруна суох иһитиннэрии тарҕаммытынан, официальнай иһитиннэриини биэрэбит.

Бу дьыл ахсынньы 27 күнүгэр, оперативнай-сэрэтэр тэрээһин иитинэн, Мэҥэ Хаҥаластааҕы суолга куттал суох буолуутун хааччыйар иниспиэксийэ үлэһиттэрэ “Халыма” федеральнай суол 27-с килэмиэтиригэр 50 саастаах Дьокуускай олохтооҕо ыытан иһэр КАМАЗ массыынаны тохтоппуттара. Үлэһиттэр бэрэбиэркэ кэмигэр туох даҕаны арыаллыыр докумуона суох барыллаан палеонтологическай уҥуохтары булан былдьаабыттара. Ону таһынан массыынаттан докумуона суох сааны былдьаабыттара.

Массыына ыытааччы бэйэтэ быһаарбытынан, кини таһаҕас таһыытынан дьарыктанар урбаанньыт, Дьааҥы улууһуттан Дьокуускайга аһылык илдьэн иһэр эбит. Уҥуохтары уонна сааны аара улуус олохтоохторо илдьэргэ көрдөспүттэр. Былдьаммыт малы палеонтологическай чинчийиигэ ыыппыттар. Саа хаһаайыныгар РФ “Гражданнар сааны уонна ол ботуруонун харайыылара, илдьэ сылдьыылара эбэтэр суох гыныылара” диэн административнай быраабы кэһии туһунан РФ кодексын 20.8 ыстатыйатын 4-с чааһынан административнай быраабы кэһиигэ бэрэбиэркэ бара турар.

Онтон атын таһаҕас (аһылык баһыылката) былдьамматаҕа.

Полиция, сөпкө өйдөөн, бэрэбиэркэлэммэтэх иһитиннэриигэ итэҕэйбэккитигэр уонна официальнай иһитиннэриилэргэ эрэ сигэнэргитигэр ыҥырар.

ИДьМ СӨ пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
28 мая
  • 19°C
  • Ощущается: 18°Влажность: 42% Скорость ветра: 2 м/с

Сообщить об опечатке

Текст, который будет отправлен нашим редакторам: