Айаал Вензель Куттал суох буолуутун хааччыйар кэмитиэт бэрэссэдээтэлин бастакы солбуйааччынан ананна

Ил Дархан Айсен Николаев ыам ыйын 18 күнүнээҕи ыйааҕынан Айаал Ануфриевич Вензели СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччынан анаата.

Айаал Вензель үрдүк үөрэхтээх. 2000 с. Арассыыйатааҕы норуоттар доҕордоһууларын университетын, оттон 2005 с. Уһук Илин судаарыстыбаннай сулууспатын академиятын, 2021 с. Арассыыйа Ыксаллаах быһыыга-майгыга баһаары утары судаарыстыбаннай сулууспатын академиятын бүтэрбитэ.

Үлэтин судаарыстыбаннай нолуок иниспиэктэриттэн Муома улууһун судаарыстыбаннай нолуогун иниспиэксийэтигэр кылаабынай инсипиэктэриттэн саҕалаабыта.

2003 с. РФ ыксаллаах быһыы-майгы министиэристибэтин систиэмэтигэр үлэлиир. Бастаан исписэлииһинэн уонна кылаабынай исписэлииһинэн. Онтон Суһал хамсаныы салалтатын отделын начаалынньыгын солбуйааччынан, «СӨ баһаарынай-быыһыыр сулууспата» судаарыстыбаннай тэрилтэ отделын начаалынньыгынан үлэлээбитэ.

2009 с. СӨ Быыһыыр сулууспатын салалтатын начаалнньыгынан анаммыта.

2012-2018 сс. СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэтин Департаменын салайбыта, 2018-2021 сс. Саха сирин Судаарыстыбаннай баһаарынай сулууспатын начаалынньыгынан үлэлээбитэ.

2021 с. СӨ Быыһыыр сулууспатыгар начаалынньык солбуйааччытынан үлэлээбитэ.