Хаартыскаҕа Айаана Федорова түһэриитэ.
Ньурба улууһугар Чуукаардааҕы Е.М.Поликарпов аатынан “Эйгэ” норуот айымньытын киинигэр истиҥ тэрээһин буолла.
Култуура эйгэтигэр өр сылларга бэриниилээхтик үлэлээбит, таһаарыылаахтык салайбыт, СӨ Култууратын туйгунун Лариса Семеновна Федорованы бочуоттаах сынньалаҥҥа атаарар дьоһун тэрээһиҥҥэ саалаҕа дьон-сэргэ толору муһунна диэн биһиэхэ “Эйгэ” НАК уус-уран салайааччыта Сэргэн Лэкээрин иһитиннэрдэ.
—Тэрээһиҥҥэ оройуонтан култуура департаменын салайар Розалия Тихонова, Елена Саввинова, Айаана Федорова истиҥ эҕэрдэлэрин тиэртилэр. “Үлэ бэтэрээнэ”, “Ньурба оройуонун култууратын уонна ускуустубатын бочуоттаах үлэһитэ” бэлиэлэри туттардылар. Нэһилиэк баһылыга А.Ю.Федоров, нэһилиэк дьокутааттара Лариса Семеновна түбүктээх, сыралаах үлэтин сыаналаан, махтанан туран, “Чуукаар нэһилиэгин бочуоттаах олохтооҕо” бэлиэни туттарыылара дохсун ытыс тыаһынан арыалланна.
Салгыы ырыа-тойук дуорайда, үҥкүү-битии көҕүлүттэн тутулунна, эҕэрдэ тыл эгэлгэтэ этилиннэ. Бу долгутуулаах киэһээ Лариса Семеновна сыанаҕа тахсан бар дьонугар үҥкүү бэлэхтэээбитэ ытыс тыаһынан арыалланна. Маны сэргэ, бииргэ үлэлээбит дьонун кытары кэнсиэрдээбитэ көрөөччүлэри улаханнык астыннарда. Л.С.Федорова үлэлээбит кэлэктиибэ уонна саҥа дириэктэр У.А.Иванова истиҥник махтанан туран саҕынньах бэлэхтээн улаханнык долгуттулар, соһуттулар. Уопсастыбаннай түмсүү кыттыылаахтара уонна тэрилтэлэр салайааччылара истиҥ-иһирэх эҕэрдэлэрин кытары роза сибэкки дьөрбөтүн туттардылар.
Лариса Семеновна нэһилиэк, улуус уопсастыбаннай, култуурунай олоҕо сайда турарын туһугар кыһамньытын ууран сүбэ-ама, көмө-тирэх буола турарыгар баҕарабыт диэн этэр Сэргэн Лэкээрин.
Л.С. Федорова түбүктээх, сыралаах үлэтин дьон сыаналыыр.
Хаартыскаҕа Айаана Федорова түһэриитэ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…