Аймаҕыттан кыһыл көмүс ытарҕалары уорбут

Ньурбатааҕы ИДьМ дьуһуурунай чааһыгар дьахтар кыһыл көмүс киэргэллэрин уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ уорууга эмсэҕэлээччи дьахтар аймаҕа — Мэҥэ Хаҥаластан төрүттээх 40 саастаах дьахтар уорбаланарын быһаарбыттар.

Уорбаланааччы эппитинэн, кини ханна даҕаны үлэлээбэт, ол иһин киэргэли туһанан харчылаһаары гыммыт. Аймаҕар ыалдьыттыы кэлбит уонна икки паара кыһыл көмүс ытарҕаны уорбут. Салгыы ону ломбардка туттарбыт, ол харчытынан арыгы уонна бородуукта атыыласпыт.

Уоруунан холуобунай дьыала тэрилиннэ.