Хаартыска: Андрей Сорокин, СИА.
Булуҥ улууһугар командировкаҕа сылдьан Айсен Николаев ыччаты кытта көрүстэ. Ил Дархан Тиксии-Найба агломерациятын маастар-былаанын туһунан сиһилии кэпсээтэ, ыччат түмсүүлэрин бэрэстэбиитэллэрин ыйытыыларыгар хоруйдаата, диэн иһитиннэрэр СӨ Ил Дарханын уонна Бырабыыталыстыбатын пресс- сулууспата.
Айсен Николаев Тиксии уонна Найба тирэх пуун быһыытынан ураты оруоллаахтарын тоһоҕолоон бэлиэтээтэ, ол курдук манна дириҥ уулаах пуорт тутуллуохтаах, ону кытта аттынааҕы сирэ-уота барыта сайдыахтаах.
“Найбаҕа дириҥ уулаах пуорт тутулуннаҕына, Хотугу муора суолунан сылдьар хайа баҕарар уу аала тохтоон ааһар буолуоҕа. Пуорт баар буоллаҕына, аныгы инфраструктура оҥоһуллуоҕа. Бу бырайыак олоххо киирдэҕинэ, улуус олохтоохторун ахсаана 30 бырыһыан элбиэҕэ, дохуоттара биллэ улаатыаҕа”, – диэтэ Ил Дархан.
Маны тэҥэ Найбаҕа пуорт тутуллуута хорҕолдьун, кыһыл көмүс, сэдэх металлар, углеводородтар үөскээн сытар сирдэрин хостооһуҥҥа олук ууруоҕа. 100 туоннаттан тахса кыһыл көмүһү хостуур кыамталаах Күчүстээҕи бырамыысыланнай кластерга таһаҕаһы таһыахтара.
Айсен Николаев маастар-былааны оҥорууга сүрүн болҕомто арктика оройуонун дьонун олохторун-дьаһахтарын үрдэтиигэ ууруллубутун эттэ. Тиксии бөһүөлэгэ Арассыыйа киин уобаластарын кытта сибээстэһиитин туһунан ыйытыыга, бөһүөлэк аэропорда саҥаттан уларытан оҥоһуллуохтааҕын эттэ.
“Аэропорт саҥа дьиэтэ тутуллуоҕа, улахан сөмөлүөттэри көтүтэргэ-түһэрэргэ балаһата уларыйан оҥоһуллуоҕа”, — диэн кэпсээтэ. Кэпсэтиигэ үрдүк тэтимнээх интэриниэт туһунан ыйыталастылар. Былаан быһыытынан ол Тиксиигэ 2026 сылга аҕалыллыахтаах.
Түмсүүлэр бэрэстэбиитэллэрэ бырайыактар олоххо киирэллэригэр, төрөөбүт Булуҥнарын улууһугар олорорго, үлэлииргэ кыах бэриллэригэр эрэнэллэрин биллэрдилэр.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…