Хаартыска: СИА
Баатаҕай бөһүөлэгэр буолан ааспыт оробуочай мунньахха Айсен Николаев Дьааҥы улууһун социальнай-экэнэмиичэскэй сайдыытын хайысхаларын бэлиэтээтэ.
“Дьааҥы улууһа тыҥааһыннаах балаһыанньаттан таҕыста. Күн бүгүн көхтөөхтүк сайдар. Бырамыысыланнай оҥорон таһаарыы үрдүүрүн, дьон дохуота эбиллэрин, тыа хаһаайыстабата да куһаҕана суох туруктааҕын көрөбүт. Ол эрээри, быһаарыллыбатах боппуруос элбэх, чугастааҕы сылларга ону быһаарыахтаахпыт”, – диэн Айсен Николаев эттэ.
Уталытыллыбакка быһаарыллыахтаах биир сүрүн боппуруоһунан тырааныспар инфраструктурата буоларын бэлиэтээтэ. Бу “Дьааҥы” массыына суолун сайдыытын хабар “Восточнай меридиан” бырайыагы кытта сибээстээх.
Тырааныспар уонна суол хаһаайыстыбатын министиэристибэтигэр “Арктика суоллара” тэрилтэ көрөн “Баатаҕай-Бөтөҥкөс-Улахан Күөл” массыына суолун өрөспүүбүлүкэ бас билиитигэр ыларга сорудахтаата.
Айсен Николаев суол салгыы сайдыытынан таһаҕас таһыытыгар булкаас (смешаннай) логистикаттан сыыйа аккаастанан, суолунун таһарга сүбэлээтэ. Кини этэринэн, уматыгы уу суолунан тиэрдии сыанатын 7 төгүл үрдэтэр. Ону тэҥэ, СӨ ОДьКХ туһаныытыгар аналлаах таас чоҕу Томпо улууһун Дьабарыкы Хайатыттан урукку курдук “Тополинай-Баатаҕай” маршрутунан буолбакка, Дьааҥы массыына суолунан быһалыы таһарга эттэ.
Ил Дархан социальнай инфраструктура боппуруостарыгар туспа тохтоон ааста. Сайдыы сэлиэнньэтигэр кини кыттыылаах аһыллыбыт оскуола-уһуйаан кэнниттэн салгыы өрөспүүбүлүкэ инвестиционнай бырагырааматыгар байыаннай дьайыы байыаһа, Адыаччы нэһилиэгин баһылыга Вячеслав Слепцов сырдык кэриэһигэр Бөтөҥкөс сэлиэнньэтигэр оскуола-уһуйаан тутуутун киллэрэргэ сорудахтаата. Эбийиэк бырайыактыыр-симиэтэлиир докумуонун улуус бүддьүөтүн суотугар оҥорбуттар.
Ыаллыы олорор Усуйаана улууһугар кыра кыамталаах атомнай ыстаансыйа тутуута Дьааҥы улууһугар, Күчүс кластера, ону тэҥэ, Булуҥ улууһун Найба пуорда сайдыытыгар үтүө түмүктээх буоларыгар эрэллээҕин эттэ. Бу туһунан Ил Дархан уонна бырабыыталыстыба пресс-сулууспата суруйар. Сиһилии манна ааҕыҥ.
Бу күннэргэ учуонайдар Саха сиригэр 20-чэ сыл анараа өттүгэр булуллубут Көрдүгэҥҥэ хойукку неолит кэминээҕи (быһа…
Дьокуускай куорат суута экс-дьокутааты РФ Административнай быраабы кэһии туһунан кодексатын 20.3 ыстатыйатынан (Нацистскай эбэтэр экстремистскэй…
Бэҕэһээ, олунньу 17 күнүгэр, Сирбит түүн саҕаламмыт геомагнитнай хамсааһын дьайыытыгар киирбитэ. Ол курдук, олунньуга иккис…
Саха сиринээҕи УГМС саайта иһитиннэрэринэн, бүгүн, олунньу 18 күнүгэр, өрөспүүбүлүкэ хотугулуу-арҕаа уонна арҕаа өттүгэр кыралаан,…
Оҕо биллиилээх суруйааччыта Агния Барто төрөөбүтэ 120 сылын көрсө, Өлүөхүмэ улууһун Кыыллаах нэһилиэгэр кырачааннарга аналлаах…
Сытыйа байбыт баайдар, урбаанньыттар, улахан тойоттор Эпштейн диэн киһини кытта хайдах, туох дьаабыламмыттара биллэн эрэр.…