Магнитнай буурҕа салҕанар

Бэҕэһээ, олунньу 17 күнүгэр, Сирбит түүн саҕаламмыт геомагнитнай хамсааһын дьайыытыгар киирбитэ. Ол курдук, олунньуга иккис магнитнай буурҕа күүтүллүбүт болдьохтон эрдэ саҕаланна уонна долгун курдук күүһүрэр кэмэ быстах мөлтүүр кэми кытта солбуйсар.

Ааспыт суукка устата Күҥҥэ C1.8 кылаастаах биир эстии бэлиэтэннэ — ол бэйэтэ туспа магнитнай буурҕаны үөскэтэр кыаҕа суох. Күүстээх геомагнитнай буурҕалары үөскэтэр M уонна X кылаастаах эстиилэр бэлиэтэммэтилэр.

Ол эрээри, магнитнай буурҕа үөскүүрүгэр күҥҥэ эстии буолбакка, Сир утары бөдөҥ корональнай хайаҕастан кэлэр түргэн күн тыалын сүүрээнин дьайыыта буолар. Чуолаан маннык көстүүлэр үксүн уһун уонна орто хамсааһыннары үөскэтэллэр.

Билиҥҥи барылынан, олунньу иккис аҥаара аһара күүстээх геомагнитнай буурҕата суох ааһыа, ол эрээри чуумпу буолара күүтүллүбэт. Маннык хамсааһыннар күүтүллэллэр:

* Олунньу 18–23 күннэрэ — магнитосфера сүнньүнэн чуумпу, сорох кэмҥэ быстах күүрүүлэниэн сөп;
* Олунньу 24–25 күннэрэ — геомагнитнай хамсааһын Kp-4 таһымнаах буолуон сөп;
* Олунньу 26–28 күннэрэ — чуумпу — «от күөх» зонаҕа киирии;
* Кулун тутар саҕаланыыта — чуумпу;
* Кулун тутар 12–18 күннэрэ — кэлэр ыйга саамай уһун геомагнитнай хамсааһыннардаах кэм.

Исписэлиистэр барыл уларыйыан сөбүн бэлиэтииллэр, тоҕо диэтэххэ Күҥҥэ саҥа эстиилэр билиҥҥи туругу тосту уларытар кыахтаахтар.