Хаартыска: Андрей Сорокин, СИА.
Айсен Николаев бэс ыйын 7 күнүгэр суруналыыстары кытта пресс-кэмпириэнсийэҕэ Ил Дархан быыбарыгар кыттарын туһунан иһитиннэрдэ.
— Саха сирин уонна дойду олохтоохторун иннигэр миэхэ улахан эппиэтинэс баарын билэбин. Саҕаламмыт үлэ түмүктэниэхтээх, былааннаммыт чопчу түмүктэр баар буолуохтаахтар. Бу сайын улуустарга элбэх айан күүтэр. Күһүн өрөспүүбүлүкэ олохтоохторо биһиги кэнники сылларга үлэбитин сыаналыахтара, — диэн кини тоһоҕолоон бэлиэтээтэ.
Быыбарга бэлэмнэнии үлэҕэ-хамнаска мэһэйдээбэт, бу сайын элбэх үлэ күүтэр. Суолу тутууга, социальнай эбийиэктэри киллэриигэ элбэх былаан баар – ол барыта туолуохтаах. Ону тэҥэ, күһүҥҥү-кыһыҥҥы сезоҥҥа бэлэмнэнии эмиэ тохтообот.
— Мин үлэм, болҕомтом киинигэр киһи, дьиэ кэргэн олоҕо баар уонна баар буола да туруоҕа. Дьиэ кэргэн дьоллоохтук уонна кыахтаахтык олороругар, киин куоракка, Арктикаҕа да олорор буоллун, үлэ дьоһун усулуобуйата баар буолуохтаах (сөптөөх хамнас, үлэ миэстэтэ, саҥа суоллар, оскуолалар, балыыһалар, уһуйааннар). Ону тэҥэ айар үлэҕэ, идэҕэ, духуобунай сайдыыга усулуобуйа баар буолара ирдэнэр. Кэлэр сылларга биһиги ол туһугар үлэлиэхпит, — диэн Айсен Николаев эттэ.
Ил Дархан, бырабыыталыстыба дьаһалтатын пресс-сулууспата.
Бүгүн Саха Өрөспүүбүлүкэтин күнэ – өрөгөй күнэ. Бу бэлиэ күн иитинэн элбэх араас тэрээһин ыытылынна.…
Бүгүн Өрөспүүбүлүкэбитигэр өрөгөй, үөрүү, кэскилбитин түстээбит үтүө күммүт үүннэ. Бу күн Саха Автономиятын төрүттээбит, саргытын…
Муус устар 30 күнүгэр сарсыарда 10 чаастан "Пятница!" ханаалга "Пробный переезд" диэн саҥа биэриигэ Саха…
Ыйытыы: Көһөрүү (перевод) быһыытынан атын тэрилтэҕэ барар буоллахха, харчынан толуйууну (компенсация) ылбакка, атын тэрилтэҕэ кини…
Анаабыр улууһун Сааскылаах сэлиэнньэтигэр баар "Тугутчаан" уһуйааҥҥа сүүсчэ Чебурашка "олорорун" билэр этигит дуо? Москва олохтооҕо…
2024 сыл бастакы кыбаарталыгар төрөөбүт кыыс оҕолору Сандаара, Айыына, Кэрэли, Нарыйаана, Мичийэ уонна Сайаана диэн…