Айсен Николаев Нерюнгригэ өлбүт шахтердар сырдык тыыннарын кэриэстээтэ

Share

Нерюнгри оройуонугар оробуочай сырыытын кэмигэр Айсен Николаев Шахтер күнүгэр анаммыт миитиҥҥэ кытынна.

Ил Дархан Алексей Столыпин пааматынньыгар сибэкки дьөрбөтүн уурда. Өрөспүүбүлүкэ баһылыга шахтердарга уонна Нерюнгри олохтоохторугар Соҕуруу Саха сирин бырамыысыланнай баһылааһын үлэ дьиҥнээх эпопеята буолбутун уонна бүгүн да салҕанан бара турарын  бэлиэтээтэ.

«Үтүө үгэс быһыытынан, биһиги Нерюнгри сирин айылҕа баайын, бастатан туран, чох баайын баһылааһын ситимнээх Алексей Евлампиевич Столыпин пааматынньыгар сибэкки дьөрбөтүн уурабыт. Кини Аҕа дойду Улуу сэриитин кыттыылаахтарын хорсун, дьоруойдуу көлүөнэтигэр киирсэр. Ол көлүөнэ дьон үлэлэрин түмүгэр Кыайыы кэнниттэн биһиги дойдубут кылгас кэм иһигэр чөлүгэр түһэриллибитэ, Сибииргэ уонна Уһук Илиҥҥэ саҥа оҥорон таһаарар кииннэр тэриллибиттэрэ, Саха сирэ мөлтөхтүк сайдыбыт аграрнай өрөспүүбүлүкэттэн Сэбиэскэй Сойуус биир бөдөҥ бырамыысыланнай киинигэр кубулуйбута. Кинилэр үлэлэрэ күн бүгүнүгэр диэри түмүгэ көстөр», — диэн Айсен Николаев бэлиэтээтэ. Өрөспүүбүлүкэ баһылыга билиҥҥи Нерюнгри көлүөнэтэ суолу тэлээччилэр үгэстэрин сөптөөхтүк салгыырын, оттон Нерюнгри сирэ сайдан иһэрин бэлиэтээтэ.

Хаартыска: ЯСИА

«Бу күн биһиги кыайыылары эрэ буолбакка, сүтэриилэри эмиэ ахтан-санаан ааһабыт. Хайа үлэһитин, шахтер үлэтэ куруук кутталы, олоххо суоһуур дьайыыны кытта ситимнээх. Бүгүн биһиги пааматынньыкка тыыннаах сибэкки дьөрбөтүн уурар киһибит хорсун, дьоруойдуу быһыытын кэрэһилиир. Нерюнгри сиригэр үлэлээн олохторун толук уурбут дьону кэриэстээн, биһиги иннин диэки барыахтаахпыт уонна хайаан да кыайыахтаахпыт. Уонна мин оннук буолуоҕар эрэллээхпин. Кинилэргэ сырдык өйдөбүл», — диэтэ эрэгийиэн салайааччыта. Нерюнгри оройуонун баһылыга Роман Щегельняк эппитинэн, Нерюнгрилар үгэстэрин ытыктабыллаахтык харыстыыллар, ол үгэстэри Алексей Столыпин курдук дьон, Соҕуруу Саха сирин бастакы шахтердара олохтообуттара, оттон аныгы көлүөнэ бу үгэстэри ытыктыыр уонна хайа үлэһиттэрин кэлэр көлүөнэлэригэр тиэрдэр. Сибэтиэй Варвара Храмын настоятелэ Сергий аҕабыыт, өлбүт шахтердар сырдык тыыннарын кэриэстээн, молебен аахта. Миитин түмүгэр кыттыылаахтара өлбүт шахтердар сырдык тыыннарын биир мүнүүтэ туран, ахтан-санаан аастылар уонна чуорааны охсон кэриэстээтилэр.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

4 часа ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

5 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

5 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

6 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

6 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

7 часов ago