Айсен Николаев Павел Маринычевы кытары көрүстэ

Бүгүн, сэтинньи 15 күнүгэр, Мииринэйгэ Саха сирин Ил Дархана Айсен Николаев уонна  АЛРОСА генеральнай дириэктэрэ Павел Маринычев оробуочай көрсүһүүлэрэ буолла.

Көрсүһүү кэмигэр  алмааһы хостуур хампаанньа минеральнай-сырьевой баазатын сайыннарыы кэскилин, быйыл хампаанньа оҥорон таһаарыыга былаанын толоруу хаамыытын дьүүллэстилэр.

Павел Маринычев Саха сирин Бырабыыталыстыбатын кытта холбоһуктаах социальнай уонна экологияҕа бырагыраамаларын, ол иһигэр 2024 сылга социальнай суолталаах эбийиэктэри  тутууну уонна мэдиссиинэ тэрилтэлэрин сэбилээһини,  олоххо киллэрии туһунан кэпсээтэ.

Манна сыһыаран эттэххэ, энергетиктэр Бүлүү куоракка 32 МВт кыамталаах саҥа газопоршневай уот ыстаансыйатын тутарга былааннаналлар. Уот ыстаансыйатын  2027 сылга үлэлэтии сабаҕаланар.

Мииринэйгэ алмаастаах хампаанньа үбүн суотугар тутуллубут 1 №-дээх оскуола  иккис куорпуһа үлэҕэ киллэрилиннэ.

Айсен Николаев АЛРОСА эрэгийиэн экэниэмикэтэ сайдыытыгар инники иһэрин уонна социальнай хайысхалаах хампаанньа холобурунан буоларын бэлиэтээтэ.