Хаартыска: sakha.gov.ru
Ил Дархан Айсен Николаев үбүлүөйдээх Илиҥҥи экэнэмиичэскэй пуорумҥа өрөспүүбүлүкэ кыттыытынан түмүктэри таһаарда.
“Пуорум ситиһиилээхтик ааста. 27 докумуоҥҥа барытыгар илии баттастыбыт. Инвестиция уопсай суумата 106 млрд солк. буолла”, — диэтэ эрэгийиэн салайааччыта.
Айсен Николаев эппитинэн, үөрэх эйгэтигэр оҥоһуллубут сөбүлэһиилэр ордук суолталаахтар. Олортон биирдэстэрэ 100 кылааһы аныгы оборудованиенан хааччыйыы уонна дойду бастыҥ исписэлиистэрэ кыттыылаах үөрэтии буолар.
Өссө биир сүрүн сөбүлэһии — Ozon уонна Wildberries маркетплейстары кытта бииргэ үлэлээһин.
“Кинилэр Дьокуускайга 2 млрд солкуобайга тарҕатар кииннэри аһыахтара. Манна сүүһүнэн үлэ миэстэтэ аһыллыаҕа. Маркетплейс сайдыыта дьоҕус биисинэс улаатыытын кытта быһаччы ситимнээх. Биһиги оҥорон таһаараччыларбыт ырыынакка быдан түргэнник тахсыахтара”, — диэн бэлиэтээтэ Айсен Николаев.
Уһук Илини, Арктиканы сайыннарар корпорацияны уонна Газпромбааны кытта хас да бөдөҥ инфраструктурнай бырайыагы үбүлүүллэрин туһунан дуогабарга илии баттаспыттар. Олортон биирдэстэрэ “Сэлии аан дойдутааҕы киинэ” буолар.
“Манна ураты билим базата оҥоһуллуоҕа, сэлиини тилиннэрэр идиэйэни олоххо киллэриигэ кытта үлэлэһиэхтэрэ. Ону кытта “Мууһуруу кэмин зоопарката” туристарга аналлаах сир, быыстапкалыыр миэстэ баар буолуохтара. Сэлии киинэ Өлүөнэ муостатын аттыгар Табаҕа диэки тутуллуоҕа”, — диэн бэлиэтээтэ Ил Дархан.
Х үбүлүөйдээх пуорум ситиһиилээхтик ааста. Дойду бэрэсидьиэнэ Владимир Путин тыл этэригэр, Саха сирэ инвестицияны тардыыга, валовай эрэгийиэннээҕи бородуукта үрдүүрүгэр, оҕо төрөөһүнүгэр лиидэр буоларбытын бэлиэтээтэ, диэн иһитиннэрэр Ил Дархан, бырабыыталыстыба пресс-сулууспата.
Сиһилии: https://www.sakha.gov.ru/news/11352
Өрүү сакалаат сиэххин, кофе иһиэххин баҕарар буоллаххына, эйиэхэ магнийдаах бородуукта тиийбэт диэн исписэлиистэр этэллэр. Оттон…
Былатыан Ойуунускай аатынан Саха академическай тыйаатыра бу айар сылга ураты суолталаах премьераны бэлэмниир. Өрөспүүбүлүкэ биллиилээх…
Бу нэдиэлэҕэ Дьокуускай куоракка 32 суол быһылаана тахсан, 3 киһи араас эчэйиини ыллылар. Бу туһунан …
Саха сиригэр былырыын иллэрээ сыллааҕар элбэх турист кэлэн барда. СӨ Урбаан, эргиэн уонна туризм министиэристибэтэ…
Ф.Г.Сафронов аатынан Улуустааҕы киин бибилэтиэкэ пуондата өссө биир кинигэнэн эбилиннэ. Ол курдук, бибилэтиэкэҕэ Александра Васильева…
25 саастаах Өлүөхүмэ оройуонуттан төрүттээх дьахтар биир түүн дьиэ олбуоруттан массыынаны күрэтэн бара сатаабыт. Билигин…