Хаартыска: бибилэтиэкэ тиксэриитэ
Ф.Г.Сафронов аатынан Улуустааҕы киин бибилэтиэкэ пуондата өссө биир кинигэнэн эбилиннэ. Ол курдук, бибилэтиэкэҕэ Александра Васильева ньурбалар биир дойдулаахтара Николай Николаевич Васильев туһунан “Саха киэн туттар дьоно” сериянан тахсыбыт кинигэни бэлэх уунна.
Бибилэтиэкэ саайта суруйарынан, бу көннөрү кинигэ эрэ буолбакка, уһулуччулаах бырааска, учуонайга уонна уопсастыбаннай диэйэтэлгэ тыыннаах пааматынньык.
Кинигэҕэ өрөспүүбүлүкэ салайааччыларын, биир идэлээхтэрин, уопсастыбанньыктар, бииргэ устудьуоннаабыттар, доҕотторун уонна аймах билэ дьонун истиҥ-иһирэх ахтыылара киирбиттэр.
“Ураты сыаннаһынан ыстатыйалар ааптардарын тус архыыптарыттан киирбит хаартыскалар буолаллар. Хаартыскалар көмөлөрүнэн Николай Николаевич олоҕун араас кэрчиктэрин: дьиэ кэргэнин тула, үлэтигэр уонна уопсастыбаннай тэрээһиннэргэ уо.д.а. көрүөххэ, билсиэххэ сөп. Кинигэ – кини олоҕун биографията эрэ буолбакка, үгүс дьон олоҕор биллэр-көстөр суолу хаалларыт киһи тыыннаах мэтириэтэ буолар”, — диэн бибилэтиэкэ үлэһиттэрэ махталларын биллэрэллэр уонна ааҕааччыларын ыҥыраллар.
Санатан эттэххэ, Дьокуускай куорат өрөспүүбүлүкэтээҕи килиниичэскэй балыыһатын кылаабынай бырааһынан үлэлээбит, РФ уонна СӨ үтүөлээх бырааһа, мэдиссиинэ наукатын хандьыдаата, Куорат Дууматын дьокутаата, Дьокуускай куорат, Ньурба оройуонун уонна Ньурба улууһун 1 Кангаласс нэһилиэгин бочуоттаах гражданина Николай Николаевич Васильев туһунан бу кинигэ ааспыт сыл ахсынньы 9 күнүгэр Дьокуускай куорат Перинатальнай киинигэр сүрэхтэммитэ.
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…