Дьону саахалланар туруктаах дьиэттэн көһөрүү өрөспүүбүлүкэтээҕи аадырыстаах боппуруоһун олоххо киллэриини, ону тэҥэ Сунтаар улууһун Сунтаар сэлиэнньэтин иһэр уунан хааччыйыыга водозабору тутууну Саха Өрөспүүбүлүкэтин экэниэмикэни сайыннарыыны хааччыйыыга суһал ыстаап президиумун мунньаҕар дьүүллэстилэр. Мунньаҕы Саха сирин Ил Дархана Айсен Николаев ыытта.
2019 с. Арассыыйа Бэрэсидьиэнэ көҕүлээбит “Дьиэ-уот уонна куорат эйгэтэ” нацбырайыагынан дьону саахалланар туруктаах дьиэттэн көһөрүү өрөспүүбүлүкэтээҕи аадырыстаах бырагыраамата ыытыллар. Штаб кыттыылаахтара эһиил көһөр дьоҥҥо саҥа кыбартыыра бэриллиэхтээх Звезднай түөлбэҕэ саҥа сэттэ дьиэни тутуу уонна коммуникацияларга холбооһун боппуруостарын көрдөрдүлэр. Бу национальнай бырайыагынан Сунтаарга ыстаансыйаны тардыыга тэрили таҥаллар. Онон 11 тыһыынча киһи иһэр уунан хааччыллар кыахтаныаҕа.
“Өрөспүүбүлүкэ экэниэмикэтин бары салааларыгар тэрилтэлэр туруктаах үлэлэрин хааччыйыы үлэтин салгыахтаахтар, судаарыстыбаннай хантараактарынан эбэһээтэлистибэлэри толорууга бэдэрээтчит тэрилтэлэр эппиэтинэстэрин үрдэтиэххэ”, — диэтэ Айсен Николаев.
Суһал ыстаап президиумун мунньаҕар эрэгийиэн экэниэмикэтин үрдүүрүн ситиһиигэ туһуламмыт быһаарыылары ылынна.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската.
2025 сыл ахсынньы 13 күнүгэр 13 чаас 30 мүнүүтэ ааһыыта Арассыыйа ИДьМ Мэҥэ Хаҥалас улууһунааҕы…
Өрөспүүбүлүкэтээҕи Ийэ хапытаалын дьайыытын кэҥэтэр туһунан былырыын Айсен Николаев Ил Түмэҥҥэ туһаайбыт Анал этиитигэр, кылгас…
Бүгүн, ахсынньы 15 күнүгэр, СӨ Бырабыыталыстыбатын уонна Дьаһалтатын салайааччыларын кытары ыытыллыбыт пленарнай мунньахха Саҥа дьыл…
Москваҕа байыаннай дьайыы бэтэрээннэрин "Вместе победим" Бүтүн Арассыыйатааҕы пуорума түмүктэннэ. Саха сириттэн онно байыаннай дьайыы…
Ахсынньы 23 күнүгэр олохтоох бириэмэнэн 12.00 ч. СӨ Ил Дархана Айсен Николаев сыл аайы ыытыллар…
Арассыыйа ИДьМ "Дьокуускайдааҕы" 3 №-дээх полициятын отделыгар дьахтар тиийэн, балыыһаҕа эмтэнэ сытар кииринньэҥ аҕатын "Toyota…