Байыаннай дьайыы бэтэрээннэрэ Бүтүн Арассыыйатааҕы пуорумҥа кытыннылар

Москваҕа байыаннай дьайыы бэтэрээннэрин «Вместе победим» Бүтүн Арассыыйатааҕы пуорума түмүктэннэ. Саха сириттэн онно байыаннай дьайыы уон бэтэрээнэ уонна «Аҕа дойдуну көмүскээччилэр» пуонда филиалыттан социальнай координатор, бойобуой дьайыылар бэтэрээннэрэ Алексей Лупеев кыттыыны ыллылар.

Пуорум дьыалабыай бырагыраамата киэҥ, тиэмэлэринэн дьүүллэһиилэр ыытылыннылар. Тэрээһин кыттыылаахтара үүнэр көлүөнэни патриотическай иити боппуруоһун, адаптивнай успуорт оруолун, үлэнэн хааччыллыы туһунан, уо.д.а. дьүүллэстилэр.

Бэтэрээннэргэ Москваҕа экскурсия тэрилиннэ. Кинилэр Кыһыл болуоссакка, Кыайыы түмэлигэр, уо.д.а. сирдэргэ сырыттылар.

Арассыыйа эстрадатын сулустара кыттыылаах кэнсиэри көрдүлэр. Кэнсиэргэ Олег Газманов, Денис Майданов, Александр Маршал, «Любэ» бөлөх, уо.д.а. кыттыыны ыллылар.

—Биһиги судаарыстыба өйөбүлүн далааһынын көрдүбүт, биир санаалаахтарбытын кытары билистибит. Дойдубутугар саҥа билиини-көрүүнү ылан, сонун санаалардаах,  дойду бэйэтин көмүскээччилэрин өйдүүр, сыаналыыр диэн эрэлбит күүһүрэн кэллибит. Уопсай дьыалаҕа бэйэбит кылааппытын киллэрсэргэ бэлэммит, — диэн этэр дэлэгээссийэни арыаллаабыт Алексей Лупеев.

Сиһилии: https://www.sakha.gov.ru/news/17154

СӨ Ил Дарханын уонна Бырабыыталыстыбатын пресс-сулууспата

Хаартыска: https://web.telegram.org/k/#@gosfondyakutia