Ахсынньы 22 күнүгэр Ил Дархан Айсен Николаев «Аныгы усулуобуйаҕа ыччат политикатын олоххо киллэрии туһунан» РФ Судаарыстыбаннай Сэбиэтин мунньаҕар кытынна. Мунньаҕы Арассыыйа Бэрэсидьиэнэ Владимир Путин салайан ыытта.
«Арассыыйа ыччатын бэлиитикэтин салгыы сайыннарыы туһунан киэҥ ис хоһоонноох кэпсэтии буолла. Бэрэсидьиэн Владимир Путин бэлиэтээбитинэн, биһиги сүрүн сорукпут – көлүөнэлэр дириҥ ис хоһоонноох утумнарын салҕааһын. Биһиги Саха сиригэр бу хайысхаҕа көхтөөх үлэни ыытабыт, өрөспүүбүлүкэбит ыччатын бэлиитикэтэ патриотизмы бөҕөргөтүүгэ уонна историческай өйү-санааны иҥэриигэ туһуланар», – диэтэ Айсен Николаев.
Манна даҕатан эттэххэ, көлүөнэлэр утумнарын бөҕөргөтүүгэ «Арассыыйа – мин историям» история пааркатыгар «Герои с вечно русским сердцем» диэн 1943-1944 сс. Украинаны немецкэй-фашистскай талабырдьыттартан босхолообут Кыһыл Аармыйа эпписиэрдэригэр уонна саллааттарбыт хорсун быһыыларыгар итиэннэ анал байыаннай эпэрээссийэ кыттыылаахтарыгар, дьоруойдарыгар аналлаах экспозиция туруорулунна.
Ил Дархан Айсен Николаев Арассыыйа Бэрэсидьиэнэ ыччат гражданскай эппиэтинэстээх буоларыгар уонна сомоҕолоһууга уопут ыларыгар волонтердар хамсааһыннарын сайыннарыы туһунан этиитэ улахан суолталааҕын бэлиэтээтэ.
«Кэллиэстэр уонна үрдүк үөрэх устудьуоннара үөрэхтэрин сэргэ, практикаларын аһымал пуондаларга, волонтердар кииннэригэр, атын даҕаны социальнай хайысхалаах тэрилтэлэргэ баралларын курдук усулуобуйа тэрийии, Саха сиригэр даҕаны, дойду үрдүнэн даҕаны баҕа өттүнэн көмөлөһөөччүлэр хамсааһыннарын сайыннарыыга улахан кылааты киллэриэ диэн эрэнэбин», – диэн бэлиэтээтэ Айсен Николаев.
2022 сыл муус устар ыйыгар Айсен Николаев көҕүлээһининэн «Саха Өрөспүүбүлүкэтигэр патриотическай иитии туһунан» сокуон ылыллыбыта. Докумуон Саха сирин олохтоохторун патриотическай иитиигэ биир кэлим судаарыстыбаннай бэлиитикэни олоххо киллэриигэ туһуланар уонна патриотическай иитиигэ сүрүн сыаллары, соруктары, хайысхалары быһаарар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…