Айсен Николаев Сүрүннүүр сэбиэт уочараттаах мунньаҕын ыытта

Ыам ыйын 26 күнүгэр Ил Дархан Айсен Николаев  Саха Өрөспүүбүлүкэтигэр бэрээдэги хааччыйыыга Сүрүннүүр сэбиэт мунньаҕын ыытта.

Мунньах кэмигэр национальнай бырайыактары олоххо киллэрэргэ  быраабы кэһиини сэрэтэр уонна тохтотор  миэрэлэри көрдүлэр.

Ону таһынан, экстремистскэй хайысхалаах буруйу оҥорууну, иһитиннэрэр-телекоммуникационнай  ситимнэргэ уопсай нуормаҕа эппиэттээбэт (деструктивнай) сүүрээни булуу уонна сэрэтии үлэлэрин түмүктэрин көрдүлэр. Маныаха Ил Дархан уопсай нуормаҕа эппиэттээбэт уопсастыбаларга сокуоннай саастарын ситэ илик оҕолору тардыыны таһаарбат туһугар үлэҕэ болҕомтотун уурда.

Мониторинг систиэмэтин кэҥэтии (ол иһигэр, Дьокуускайга “Куттала суох куорат” АПК киллэрии чэрчитинэн видеонан кэтээн көрөр камералар көмөлөрүнэн) наадата бэлиэтэннэ.