Айсен Николаев Уһук Илин сайдыытын социальнай-экэнэмиичэскэй боппуруостарын сүбэ мунньаҕар кыттыыны ылла

Share

Айсен Николаев Уһук Илин сайдыытын социальнай-экэнэмиичэскэй боппуруостарын РФ Бырабыыталыстыбатын хамыыһыйатын сүбэ мунньаҕар  кыттыыны ылла.

Ол курдук, Уһук Илиҥҥэ  доруобуйа харыстабылын   салаатын боппуруостара  көрүлүннүлэр.

«РФ Бырабыыталыстыбата бу эйгэҕэ улахан үлэни ыытар. Бэрэсидьиэн «Уһук Илиҥҥи биир кэлим субсидията» бырагыраама чэрчитинэн, 2018 сылтан  уопсайа 80 балыыһа, 50-тан  тахса биэлсэр-акушер пууннара аһыллыбыттара. «Доруобуйа харыстабыла» бырагыраама иитинэн, өссө 51 эбийиэк тутуллубут. Ону сэргэ, «Земскэй биэлсэр» уонна «Земскэй дуоктар»  бырагыраамалар үлэлииллэр.  Бу да үрдүнэн мэдиссиинэ эйгэтигэр тыа сиригэр үлэһит илии тиийбэт, уһук сытар оройуоннарга мэдиссиинэ көмөтө намыһах», — диэн РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев бэлиэтээтэ.

РФ Доруобуйа харыстабылын миниистирэ Михаил Мурашко бэлиэтээбитинэн, Уһук Илиҥҥэ анал миэрэлэр киллэриллибиттэр. 2024 сылтан ОМС субвенциятыгар   «мэдиссиинэ тиийимтиэ көмөтө» коэффициент киирбит (1,5). Манан учуоттаан эбии 11,2 млрд солкуобай 2026 сылга көрүллүбүт. 2030 сылга диэри 11 перинатальнай киин, дьахталларга аналлаах көрдөрүнэр сир, ону сэргэ 56 эбийиэк уон эрэгийиэҥҥэ маастар-былаан чэрчитинэн былааннанар. Уһук Илиҥҥэ инфраструктурнай уларыйыыларга национальнай бырайыак чэрчитинэн федеральнай үптэн 5% кырата суох үп ыытыллыаҕа.

Recent Posts

  • Сонуннар
  • Чэгиэн

Өрүү сакалаат, саахар эбэтэр суши сиэххин баҕарар буоллаххына…

Өрүү сакалаат сиэххин, кофе иһиэххин баҕарар буоллаххына, эйиэхэ магнийдаах бородуукта тиийбэт диэн исписэлиистэр этэллэр.  Оттон…

29 минут ago
  • Култуура
  • Сонуннар

Саха тыйаатырыгар — саҥа туруоруу

Былатыан Ойуунускай аатынан Саха академическай тыйаатыра  бу айар сылга ураты суолталаах премьераны бэлэмниир.  Өрөспүүбүлүкэ  биллиилээх…

59 минут ago
  • Быһылаан
  • Сонуннар

Дьокуускайга бу күннэргэ үс киһи суол быһылааныгар эчэйдэ

Бу  нэдиэлэҕэ Дьокуускай куоракка 32 суол быһылаана тахсан, 3 киһи араас эчэйиини ыллылар. Бу туһунан …

1 час ago
  • Сонуннар
  • Уопсастыба

Былырыын саамай элбэх турист Өлүөнэ очуостарыгар сылдьыбыт

Саха сиригэр былырыын иллэрээ сыллааҕар элбэх турист кэлэн барда. СӨ Урбаан, эргиэн уонна туризм министиэристибэтэ…

1 час ago
  • Култуура
  • Сонуннар

Ньурба Киин бибилэтиэкэтигэр биир дойдулаахтарын туһунан кинигэ эбилиннэ

Ф.Г.Сафронов аатынан Улуустааҕы киин бибилэтиэкэ пуондата өссө биир кинигэнэн эбилиннэ. Ол курдук, бибилэтиэкэҕэ Александра Васильева…

2 часа ago
  • Быһылаан
  • Сонуннар
  • Уопсастыба

Эдэр дьахтар түүн массыынаны күрэтэн илдьэ бара сатаабыт

25 саастаах Өлүөхүмэ оройуонуттан төрүттээх  дьахтар   биир түүн дьиэ олбуоруттан массыынаны күрэтэн бара сатаабыт. Билигин…

3 часа ago