Хаартыска: Андрей Сорокин, СИА.
Айсен Николаев уонна Александр Азаров оробуочай көрсүһүүлэригэр Уус Маайа улууһун социальнай-экэнэмиичэскэй сайдыытын дьүүллэстилэр.
Улуус баһылыга 2024 сыл түмүктэрин уонна чугастааҕы былааннарын кэпсээтэ. Былырыын «Доруобуйа харыстабыла» национальнай бырайыак чэрчитинэн, Уус Маайа бөһүөлэгэр киин улуустааҕы балыыһа саҥа комплекса аһыллыбыт. 2026-2028 сылларга ФАП-тары тутар былааннаахтар, диэн иһитиннэрэр Ил Дархан, бырабыыталыстыба пресс-сулууспата.
Атын былааннартан ураты, Айсен Николаев Күп орто оскуолатын тутуутун өйөөтө уонна бырайыакка наадалаах уларытыылары түргэнник киллэрэллэригэр сорудахтаата.
Маны кытта “Арктика синергията” бырагыраама чэрчитинэн Уус Маайа улууһа түргэн интэриниэтинэн бүтүннүү хабыллара былааннанар диэн кэпсэтии барда. Чугастааҕы кэмҥэ Солнечнай, Звездочка, Югоренок, Уус Миил нэһилиэнньэлээх пууннарын холбооһун былааннанар.
Өрөспүүбүлүкэ баһылыга бырамыысыланнай хампаанньалары, ол иһигэр 2025 сылтан сибиниэс-цинк баар сиригэр хостооһуну саҕалыахтаах «Нордголд» хампаанньаны киллэрэн туран, бииргэ үлэлээһини кэҥэтэр наадалааҕын бэлиэтээтэ. Александр Азаров Усть Маайа уонна Элдьикээн икки ардыларынааҕы суол 60 км усталаах учаастагын оҥорууга бырамыысыланнай тэрилтэни кытыннарарга этии киллэрдэ.
Айсен Николаев итини тэҥэ бэтэрээннэри, байыаннай дьайыы кыттааччыларын уонна кинилэр дьиэ кэргэттэрин өйөөһүҥҥэ болҕомтотун уурда.
Уус Маайа улууһугар 2025 сыл Дьоруойдар уонна Кыайыы сылынан биллэриллибит.
“Бу көҕүлээһин патриотизмы сайыннарыыга, Ийэ дойдуну көмүскээччилэр хорсун быһыыларыгар ытыктабыллаахтык сыһыаннаһарга уонна историческай өйдөбүлү үйэтитиигэ олук уурара улахан суолталаах. Эдэр ыччаты кытта үлэҕэ, Ийэ дойдунан киэн туттууга туһаайыллыбыт үөрэх уонна култуура бырайыактарын сайыннарыыга болҕомто ууруллуохтаах», — диэн бэлиэтээтэ Ил Дархан.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…