Салгыы
Байыаннай сулууспалаахтар дьиэ кэргэттэрин өйүүр миэрэлэри олоххо киллэрии салҕанар

Байыаннай сулууспалаахтар дьиэ кэргэттэрин өйүүр миэрэлэри олоххо киллэрии салҕанар

17.10.2022, 16:01
Бөлөххө киир:

Быйылгы сыл олунньу 24 күнүттэн анал байыаннай эпэрээссийэҕэ ыҥырыллыбыттар, кыттыбыттар, хантараагынан баҕа өттүнэн барбыттар уонна байыаннай сулууспалаахтар дьиэ кэргэттэригэр 200 тыһ. солк. кээмэйдээх биир кэмнээх көмөнү, ыҥырыллыбыт киһи ханнык чааска баарын РФ Оборуонаҕа министиэристибэтэ бигэргэппитин кэннэ суукка устата ыыталлар. Бу туһунан алтынньы 17 күнүгэр брифинг кэмигэр СӨ бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.

Биһиги өрөспүүбүлүкэ военкоматын кытта ыкса ситимнээхтик үлэлиибит”, — диэн Ольга Балабкина бэлиэтиир. Санатан эттэххэ, байыаннаай сулууспалаахтар дьиэ кэргэттэрэ МФЦ офистарыгар уонна e-yakutia.ru судаарыстыбаннай итиэннэ муниципальнай өҥөлөр порталларын нөҥүө өйөбүл миэрэлэргэ сайабылыанньа биэрэллэрэ эрэ ирдэнэр. Бигэргэтэр докумуоннары судаарыстыбаннай былаас уонна олохтоох бэйэни салайыныы управлениетын уорганнара бэйэлэрэ биэдэмэстибэлэр икки ардыларынааҕы систиэмэ нөҥүө, сайабылыанньаны биэрээччи кыттыыта суох ылаллар.

Саха сирин Ил Дархана Айсен Николаев “Байыаннай сулууспалаахтар дьиэ кэргэттэрин өйүүр миэрэлэр туһунан” ыйааҕынан, мобилизацияҕа ыҥырыллыбыттар, баҕа өттүнэн хантараагынан барбыттар уонна анал байыаннай эпэрээссийэ кыттыылаахтарын дьиэ кэргэттэрин өйүүр сэттэ араас миэрэ баар.

122 нүөмэрдээх суһал лиинийэҕэ 200 тыһ. солк. кээмэйдээх биир кэмнээх төлөбүр туһунан балачча элбэхтик ыйыталлар. “Холобур, байыаннай сулууспалаахтар дойду атын эрэгийиэннэригэр олорор дьиэ кэргэттэрэ төлөбүрү ылалларын дуу, суоҕун дуу туһунан. Төлөбүрү Саха Өрөспүүбүлүкэтигэр олорор дьиэ кэргэн ылар бырааптааҕын бэлиэтиибин. Ону тэҥэ, 200 тыһ. солк. кээмэйдээх төлөбүргэ сайабылыанньаны байыаннай сулууспалаах ойоҕо уонна төрөппүттэрэ тэҥҥэ биэрэр түгэннэрэ бааллар. Ыйыллыбыт бэрээдэгинэн төлөбүрү байыаннай сулууспалаах ойоҕо ылар, кини аккаастыыр эбэтэр ойоҕуттан сайабылыанньа киирбэтэх түгэнигэр эрэ байыаннаай сулууспалаах төрөппүттэрэ төлөбүрү ылар бырааптаахтар”, — диэн Ольга Балабкина чопчулаата.

Вице-премьер иһитиннэрбитинэн, 122 нүөмэрдээх суһал лиинийэҕэ оскуола үөрэнээччилэригэр көрүллэр итии аһылыкка уонна уһуйааҥҥа төрөппүт төлөбүрүттэн босхолонууга сыһыаннаах ыйытыылар киирэ тураллар эбит. Үгүс оскуолаларга тустаах боппуруос номнуо быһаарыллыбыт. Байыаннай сулуустапалаахтар-анал байыаннай эпэрээссийэ кыттыылаахтарын оҕолоро босхо итии аһылыгынан хааччыллан эрэллэр. Уһуйааннарга төрөппүттэр төлөбүртэн эмиэ босхолонон эрэллэр.

“Маныаха төрөппүттэр сайабылыанньаларын кэтэспэккэ суһаллык үлэни ыытан саҕалаабыт үөрэх тэрилтэлэрин салайааччыларыгар уонна улуустааҕы үөрэх управлениетын начаалынньыктарыгар махтанабын. Өскөтүн итии аһылыгынан хааччылла илик эбэтэр уһуйааҥҥа төрөппүт төлөбүрүттэн босхолоно илик анал эпэрээссийиэ кыттыылаахтарын оҕолоро баар, эбэтэр аккаас кэлбит буоллаҕына, үөрэх управлениетыгар иһитиннэрэллэригэр уонна МФЦга эбэтэр судаарыстыбаннай өҥө порталыгар сайабылыанньа биэрэллэригэр ыҥырабын”, — диэн Ольга Балабкина бэлиэтээтэ.

Байыаннай сулууспалаах дьиэ кэргэнигэр баар өрөспүүбүлүкэ сиригэр-уотугар тус сыаллаах дуогабарынан үөрэнэр устудьуон, ону тэҥэ, орто анал үөрэх тэрилтэтигэр күнүскү (очно) уонна күнүскү-кэтэхтэн (очно-заочно) көрүҥүнэн үөрэнэр устудьуон баарын туһунан, МФЦ нөҥүө уонна судаарыстыбаннай өҥө порталыгар бэриллэр комплекснай сайабылыанньаҕа киллэриллэллэрэ ирдэнэр.

Бу төлөөн үөрэнэр устудьуоннарга эмиэ сыһыаннаах. Санатан этэбин, устудьуон хайдах үөрэнэриттэн тутулуга суох истипиэндьийэ кээмэйэ 5 607 солк. тэҥнэһэр”, — диэн бэрэссэдээтэли солбуйааччы тоһоҕолоон бэлиэтээтэ.

СӨ Ил Дарханын уонна СӨ Бырабыыталыстыбатын пресс-сулууспата.

Бары сонуннар
Салгыы
9 февраля
  • -46°C
  • Ощущается: -46°Влажность: 65% Скорость ветра: 0 м/с

Сообщить об опечатке

Текст, который будет отправлен нашим редакторам: