«Айсен Николаевы кытта бииргэ» биэрии тахсыаҕа

Бүгүн, ахсынньы 8 күнүгэр, 19: 00 ч. «Россия 24» ханаалга «Саха» ГТРК анал таһаарыытын — «Айсен Николаевы кытта бииргэ»  биэриини көрүҥ.

Бырагырамаҕа — РФ Бэрэсидьиэнин иһинэн стратегическай сайдыыга уонна национальнай бырайыактарга Сэбиэт үлэтин-хамнаһын туһунан истиэххит. Саха сирин Ил Дархана мунньахха быһаччы кыттыыны ылла.

Маны сэргэ, Айсен Николаев «Берегиня» киин салайааччытын, онно улааппыт, билигин устудьуон буолбут кыргыттары кытары көрсүөҕэ. «Оҕолорго илиини утары уунан көмөлөһүү хайдахтаах наадатын туһунан истиэххит уонна чэй иһэ олорон тугу кэпсэттилэр» , — диэн ГТРК анонсугар этиллэр.

Маны таһынан, бырагыраамаҕа — мас-тардыһыыны сайыннарыы уонна норуоттар икки ардыларынааҕы сибээс туһунан көрүөххүт, истиэххит.