Айсен Николаев Ойуур хаһаайыстыбатын федеральнай агентствотын салайааччытын солбуйааччыта Алексей Венглинскай кыттыылаах баһаартан ойууру харыстыыр ыстаап мунньаҕын ыытта.
Кини өрөспүүбүлүкэтээҕи биэдэмэстибэ, федеральнай тэрилтэ Саха сиринээҕи салаата уонна суһал сулууспа ааспыт сыллааҕы үлэлэрин иһин махтанна. Өрөспүүбүлүкэ баһылыга эппитинэн, тиһиктээх үлэ былырыын ойуур баһаарын ахсаанын аҕыйатта уонна хоромньу тахсыытын намтатта.
«2022 сыллааҕы үлэҕит иһин махтанабын. Баһаарга сиэниллэр сир иэнэ 14 төгүл, уот туруута 3 төгүл кыччаата. Итини этэн туран, маннык түмүгү ыһыктыбакка, көрдөрүүнү өссө тупсарар сорук турар», – диэн Айсен Николаев бэлиэтээтэ.
Кини олунньуга диэри өрөспүүбүлүкэ Бырабыыталыстыбатыгар бары тустаах сулууспалары кытары бииргэ 2023 сылга баһаар тахсыан сөптөөх кутталлаах ойуурдарыгар сабаҕалааһыннары оҥороллоругар уонна чуолаан, баһаар тахсыан сөптөөх кутталлаах оройуоннарыгар болҕомтолорун ууралларыгар этэ. Маннык билгэлээһини оҥоруу ааспыт сылга көдьүүстээҕин көрдөрдө диэн бэлиэтээтэ Ил Дархан. Ол курдук, ааспыт сыллааҕа көрдөрүүнэн, уот тахсар сирдэринэн Уус маайа, Алдан, Нерюнгри уонна Томпо оройуоннара буолаллара бэлиэтэннэ.
Айсен Николаев эппитинэн, маннык сабаҕалааһын былаана зондировщик сөмөлүөт үлэтин былаанныырга эмиэ наада. Быйыл даҕаны сөҥүүнү түһэрии үлэтэ салгыы барыаҕа. Ол сыалга өрөспүүбүлүкэ 80 мөл. солк. ыытара былааннанар.
Манан даҕатан эттэххэ, өрөспүүбүлүкэ «Полярные авиалинии» хампаанньа баазатыгар бэйэтэ зондировщик сөмөлүөттэниэ.
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…