Салгыы
Айвазовскай быыстапкатыгар — 50%-наах чэпчэтии!

Айвазовскай быыстапкатыгар — 50%-наах чэпчэтии!

11.07.2024, 13:20
Хаартыска: култуура, духуобунай сайдыы министиэристибэтэ.
Бөлөххө киир:

Бэс ыйыттан Национальнай ойуулуур-дьүһүннүүр түмэлгэ худуоһунньук Иван Айвазовскай уонна да атын маринист-худуоһунньуктар быыстапкалара көрдөрүүгэ турар. От ыйын 8 күнүттэн «Морской понедельник» аахсыйа чэрчитинэн, хас бэнидиэнньик ахсын билиэт сыаната улахан дьоҥҥо 50% чэпчэтиилээх буолуоҕа.

Хаартыска: култуура, духуобунай сайдыы министиэристибэтэ.

Быыстапка Судаарыстыбаннай Нуучча түмэлин пуондатыттан кэлэн, балаҕан ыйын 1 күнүгэр диэри туруоҕа. Күн аайы быыстапкаҕа арт-медиация буолуоҕа: сэрэдэҕэ — күнүс 1 чаастан, киэһэ 7 чаастан; оптуорунньукка, чэппиэргэ, бээтинсэҕэ, субуотаҕа, баскыһыанньаҕа — күнүс 12 чаастан, киэһэ 6 чаастан. Манна 25 киһилээх бөлөх хомуллуон наада.

Быыстапкаҕа барыта 30 хартыына — Айвазовскай 19 хартыыната уонна XIX үйэ маринистарын (муораны уруһуйдуур худуоһунньуктар) 11 хартыыналара көрдөрүүгэ тураллар. Бу 29 хартыынаны Судаарыстыбаннай Нуучча түмэлин пуондатыттан аҕалбыттара.

Бу быыстапканы аҕалар туһунан кэпсэтии эрдэттэн барбыта. Ил Дархан Айсен Николаев олунньуга Национальнай ойуулуур-дьүһүннүүр түмэл генеральнай дириэктэрэ Влада Тимофееваны кытта көрсөрүгэр Айвазовскай быыстапкатын аҕалыы, тиэйии ымпыктарын, улахан бырайыактар тустарынан кэпсэппиттэрэ.

Быыстапка Дьиэ кэргэн уонна Оҕо саас сылларыгар ананар. Бырайыак чэрчитинэн, интэриэһинэй тиэмэлээх экскурсиялар, маастар-кылаастар буолаллар. СӨ бырабыыталыстыбатын былааннаах үлэтинэн, 2023 сыллаахха Дьокуускайга нуучча улуу худуоһунньуга Иван Шишкин быыстапката уонна Эрмитаж күннэрэ буолбуттара. Бу Саха сирин олохтоохторугар киин куораттарга бара сатаабакка, ускуустуба улуу диэйэтэллэрин үлэлэрин көрөр кыаҕы биэрэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
14 июля
  • 19°C
  • Ощущается: 19°Влажность: 77% Скорость ветра: 1 м/с

Сообщить об опечатке

Текст, который будет отправлен нашим редакторам: