Хаартыска Нам улууһун дьаһалтатын пресс-сулууспатыттан
Бу күннэргэ Нам улууһун Хатырык уонна Маймаҕа нэһилиэктэрин икки ардыгар суолу чөлүгэр түһэрии үлэтэ бара турар.
Чэпчэки уйуктаах массыыналарга сотору кэминэн суол аһыллыаҕа. Бу туһунан тырааныспар миниистирэ Владимир Сивцев халаан содулун туоратыыга уонна чөлүгэр түһэриигэ үлэлэһэр хамыыһыйа мунньаҕар иһитиннэрдэ.
«Өрүстэр муустан босхолонон эрэллэр. Айылҕа иэдээнигэр түбэспит улуустарга хамыыһыйалар халаантан тахсыбыт хоромньуну суоттааһыҥҥа үлэлииллэр», – диэн иһитиннэрдэ Дмитрий Садовников.
Кини ордук улахан
болҕомто Нам улууһугар уурулларын, манна баҕалаах дьонтон хомуллубут волонтердар дьиэни-уоту, тиэргэннэри ыраастааһыҥҥа үлэлииллэрин эттэ. Бастакы вице-премьер хамыыһыйа мунньаҕар экология министиэристибэтигэр атын улуустартан көмөҕө кэлэр волонтердар үлэлэрин сүрүннүүргэ сорудахтаата.
Улуус баһылыга Юрий Слепцов иһитиннэрбитинэн, бары нэһилиэктэргэ уу түһэн эрэр. Уопсайа улууска 221 дьиэ ууга барда. Хоромньуну ааҕыы-суоттааһын бара турар. СӨ ОДьКХ уонна энергетикэ миниистирэ Вячеслав Емельянов Өлүөхүмэҕэ электрическэй ситимнэри чөлүгэр түһэрии үлэлэрин сырдатта. Ил Дархан Айсен Николаев бу улууска сырыытын кэмигэр нэдиэлэ иһигэр чөлүгэр түһэрии үлэтин түмүктүүргэ сорудахтаабыта.
«ДГ-500 уонна ДГ-100 дизель-генератордар сотору кэминэн кэлиэхтэрэ», – диэн иһитиннэрдэ Вячеслав Емельянов.
Мунньахха маны таһынан
Кэбээйи, Аллараа Халыма, Муома улуустарыгар муус барыытын ырыттылар.
Ил Дархан Айсен Николаев сорудаҕынан
Бырабыыталыстыба бэрэссэдээтэлин бастакы солбуйааччы Дмитрий Садовников салайар бырабыыталыстыба бөлөҕө тэрилиннэ. Халаантан эмсэҕэлээбит дьон биир кэмнээх үбүнэн өйөбүлү ылыахтара уонна баайдарын-дуолларын төннөрүүгэ көмөнөн туһаныахтара.
Ыам ыйын 20 күнүттэн Ил Дархан өрөспүүбүлүкэ үрдүнэн ыксаллаах быһыы-майгы эрэгийиэннээҕи эрэсиимин биллэрбитэ. Бүгүн Ил Дархан айылҕа иэдээниттэн тахсыбыт балаһыанньаны көннөрөр чөлүгэр түһэрии үлэтин уонна эмсэҕэлээбиттэргэ материальнай социальнай көмө оҥоруу туһунан дьаһалга илии баттаата.
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…
Биир даҕаны Саҥа дьыл салюта суох буолбат. Сорохтор түүн 12 ч. көрсөн баран оҕолуун-уруулуун тутуспутунан…