Айымньылаах үлэлээх учуутал

Таатта улууһун Харбалаах сэлиэнньэтин Амма Аччыгыйа аатынан үөрэхтээһин холбоһугун саха тылын учуутала Валентина Кривошапкина үлэтэ киэҥник кэрэхсэнэр.

Кини Төрөөбүт тыл күнүн көрсө оскуолаҕа үөрэнэр оҕолоох дьиэ кэргэттэргэ дьиэ кэргэн олимпиадатын тэрийэн ыытар буолбута үһүс сылыгар барда.

Валентина Кривошапкина эппитинэн,  оскуола үрдүнэн 76 дьиэ кэргэн баар буоллаҕына, быйыл 63 дьиэ кэргэн олус бэркэ кыттан үлэлээтэ. Бэҕэһээ, Төрөөбүт  тыл күнүгэр ол түмүгүн үөрэ-көтө иһитиннэрдэ, бэйэтин бириистэрин туттарда.