«Алампа» бириэмийэтэ: болҕомто — саҥа талааннарга

Сэтинньи 14 күнүгэр Анемподист Софронов – Алампа  аатынан бириэмийэни быйыл  бэһис төгүлүн туттарыахтара.

​Тэрээһин саха литэрэтиирэтин төрүттээччи, суруйааччы, драматург, суруналыыс Анемподист Софоронов — Алампа сырдык аатын үйэтитэр уонна ускуустуба араас эйгэтин талааннаах дьонун бэлиэтиир соруктаах ыытыллар.

Бу «Алампа» бырайыак Тыйаатыр сылыгар 2019 сыллаахха олохтоммута. Бириэмийэ Саха сирин бары айар сойуустарын, түмсүүлэрин — суруйааччылары, худуоһунньуктары, киинэ, тыйаатыр үлэһиттэрин, муусука айааччылары сомоҕолуур, холбуур.

​Бириэмийэ 10 анал аатынан туттарыллыаҕа:

1. «Дархан ойууһут» («Худуоһунньук»);
2. «Уран тыл» («Литературное слово»);
3. «Алампаҕа сүдү бэриниилээх» («За верность Алампа»);
4. «Кылаан дьүрүскэн айааччы» («Композитор»);
5. «Дэгиттэр режиссер» («Режиссер»);
6. «Чаҕылхай артыыс» («Бастыҥ артыыс»);
7. «Чаҕылхай артыыска» («Чаҕылхай артыыска»);
8. «Ырыа айааччы» («Автор песенник»)
9. «Киинэ эйгэтигэр үлэтин иһин» («Кинематографист»)
10. «Өрөгөйдөөх өйөөччү» («Меценат года»)

Алампа аатынан норуот бириэмийэтин туттарыы  ыытыллар дьоро киэһэтэ  Былатыан Ойуунускай аатынан Саха академичесай драматическай тыйаатырыгар 18.00 чаастан буолуоҕа. Режиссер — Роман Дорофеев.

Бу туһунан култуура уонна духуобунас сайдыытын миниистирэ Афанасий Ноев бэйэтин ТГ-ханаалыгар сырдатта.