Алдаҥҥa мотоциклист саахалланан реанимацияҕа киирдэ

Бэс ыйын 27 күнүгэр, бээтинсэҕэ, сарсыарда 10 чаас саҕана мотоциклист кыттыылаах суол быһылаанын туһунан иһитиннэрии киирбит. Бу туһунан Саха сиринээҕи Госавтоинпсекция пресс-сулууспата иһитиннэрэр.

Барыллаан быһаарыынан, 09:40 чаас саҕана Алдан куорат Тарабукин уулуссаҕа 9 №-дээх дьиэтин таһыгар 1990 сыллаах төрүөх суоппар судаарыстыбаннай бэлиэтэ суох «Yamaha» скутеры ыытан иһэн, саахалга түбэспит. Ол түмүгэр айанныыр хайысхатынан суол уҥа өттүгэр туораан, сууллан түспүт. Саахал түмүгэр мотоциклист балыыһаҕа киирэн, реанимацияҕa сытар. Саахал буолар кэмигэр кини шлемнээх уонна суоппардыыр бырааптаах эбит. Быһылаан төрүөтэ быһаарыллар.