Хаартыска: СӨ Ил Дарханын архитектураҕа уонна куораты тутууга управлениета
Алдаҥҥа «Орто Салаа» эко-паарка иккис түһүмэҕэ тутуллуо.
2023 сылга Алдан куоракка «Орто Салаа» эко-паарка улахан бырайыагы олоххо киллэриэхтэрэ. Бу туһунан СӨ Ил Дарханын архитектураҕа уонна куораты тутууга управлениета иһитиннэрэр.
Санатан эттэххэ, куорат эйгэтин тэрийиигэ ааспыт сылга Алдан бастыҥ бырайыактар Бүтүн Арассыыйатааҕы VI куонкурустарын кыайыылааҕынан буолбута уонна федеральнай бүддьүөттэн 85 мөл.солк. ылыаҕа. Пааркаҕа бырайыак быһыытынан павильоннар, амфитыйаатыр, о.д.а. дьон-сэргэ дуоһуйа сынньанарыгар анаммыт тутуулар баар буолуохтара.
Эко-паарка бэйэтэ логотиптаах. Бырайыагы олоххо киллэрии бастакы түһүмэҕэр бу сиргэ-уокка ыытыллар үлэ-хамнас сырдатыллан көрдөрүллэр. Холобур, экскаватор, көмүс сууйар лоток курдук оонньуур комплекстар, долгуну санатар муосталар. Эко-паарка бырайыагын ааптара «База14» АБ. Куонкуруска киирэр сайаапкалары LETO Компетенция киинэ көрбүт-истибит.
Санатан эттэххэ, 2020 сыллаахха «Орто Салаа» эко-паарка бырайыага Бүтүн Арассыыйатааҕы куонкурус финалиһынан буолбута. Ол түмүгэр, Алдан куорат 25 мөл. солк. ылбыта уонна былырыын үлэ бастакы түһүмэҕэ түмүктэммитэ. Паарка сирэ-уота ыраастаммыта, өрө тардыллыбыта, дьон-сэргэ сылдьар икки муостата оҥоһуллубута, иилии эргийэр төгүрүк суол аспаалламмыта, оҕо оонньуур уонна успуорт былаһааккалара баар буолбуттара, банаардар, ыскамыайкалар туруоруллубуттара.
СӨ Ил Дарханын уона Бырабыыталыстыбатын пресс-сулууспата
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…