Хаартыска: «Алданский рабочий» хаһыат
Алдаҥҥа этнографическай-култуурунай комплекс территориятыгар «Сэвэки» эрэгийиэннэр икки ардыларынааҕы эбэҥкилэр бэстибээллэрэ буолан ааста.
Алдан улууһун Хатыстыыр уонна Томмот эбэҥкилэрэ Забайкальскай уонна Хабаровскай кыраайтан, Бурятияттан, Булуҥтан, Өлөөнтөн, Өлүөхүмэттэн уонна Дьокуускай куораттан эбэҥки общиналарын бэрэстэбиитэллэрин көрүстүлэр. Бэстибээл Алдан сиригэр аан бастакытын ыытылынна. Тэрээһин «Арассыыйа култууратын пуондата» гранынан «Прогресс» АНУо көҕүлээһининэн ыытылынна.
Адан куоратын олохтоохторо уонна ыалдьыттар эбэҥки норуотун национальнай үгэстэрин, айымньыларын, үһүйээннэрин, номохторун, испиктээктэрин көрдүлэр. Ону сэргэ эбэҥки норуотун аһын-үөлүн астаан көрдүлэр уонна амсайдылар, араас таһымнаах маастар-кылаастарга кытыннылар. Ону таһынан сэрэбиэйдьит, алгысчыт, өтө көрөөччү Тайаана Никифорова кумааҕынан ким баҕалаахха сэрэбиэй ыытта, инники дьылҕаларын кистэлэҥнэрин арыйда. Итиник ытта ураһаларынан маастардар таба уҥуоҕуттан, кумалаантан, оҕуруонан тиһиллибит таҥастары, киэргэллэри уонна оҥоһуктары көрдөрдүлэр.
Хаартыска, видео «Алданский рабочий» хаһыат
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…