Алдаҥҥа түөрт киһи өлүүлээх суол саахалынан холуобунай дьыала тэрилиннэ

Алдан оройуонугар түөрт киһи өлүүлээх суол саахала буолбутунан холуобунай дьыала тэрилиннэ диэн СӨ ИДьМ иһитиннэрэр.

«Алдан оройуонунааҕы Арассыыйа ИДьМ-ын салаатын силиэдэбэтэлэ суол быраабылаларын уонна тырааныспары эксплуатациялааһыны кэһиинэн холуобунай дьыаланы тэрийдэ», — диэн иһитиннэриигэ суруллар.

Саха сиринээҕи ИДьМ дааннайынан, суол быһылаана «Лена» массыына суолун 541-с килэмиэтиригэр балаҕан ыйын 10 күнүгэр 12:30 чаас саҕана буолбут. Higer маркалаах оптуобус Чульман аэропордуттан Алдаҥҥа диэри 34 пассажиры тиэйэн испит.

Суол саахалын түмүгэр түөрт киһи өлбүт, 30 пассажир уонна суоппар эчэйбиттэр. Суоппар уонна биир пассажир ыарахан туруктаахтар.

Быһылаан төрүөттэрэ быһаарыллаллар.