Хаартыска sakha.gov.ru ылылынна
РФ бэрэсидьиэнин, РФ ВС Генеральнай ыстаабын начаалынньыгын уурааҕынан, аармыйаҕа ыҥырыллбыттар байыаннай эпэрээссийэҕэ ыытыллыбаттар.
Бу туһунан муус устар 4 күнүгэр Саха сирин байыаннай хамыһаара Александр Авдонин иһитиннэрдэ.
Кини иһитиннэрбитинэн, муус устар 1 күнүттэн аармыйаҕа сааскы ыҥырыы саҕаламмыт.
«Аармыйаҕа ыҥырыы былааннаммыт болдьоҕунан, муус устар 1 күнүттэн от ыйын 15 күнүгэр диэри, ыытыллар. Маны сэргэ, Саха сиригэр ыам ыйын 1 күнүттэн от ыйын 15 күнүгэр диэри маннык ыҥырыы 14 хотугу муниципальнай тэриллиилэргэ буолуоҕа. Былырыын саас аармыйаҕа ыҥырыыны кытта тэҥнээтэххэ, бу сыллааҕы сорудаҕынан, 100-нэн аҕыйах киһи ыҥырыллыаҕа«, — диэн бэлиэтээтэ Александр Авдонин.
Коронавирус дьаҥын утары бары миэрэлэр тутуһуллаллар.
«СӨ Доруобуйа харыстабылын министиэристибэтин кытта ыкса үлэлэһиэхтээхпит. Саха сирин бары байыаннай комиссариаттара коронавирус дьаҥын утары тестарынан хааччыллыбыттара«, — диэн иһитиннэрдэ өрөспүүбүлүкэ байыаннай хамыһаара.
Бэлиэтээн суруйдахха, байыаннай сулууспаҕа саппааска киирбэтэх уонна «О воинской обязанности и военной службе» диэн Федеральнай сокуонунан аармыйаҕа сулууспалыан сөптөөх 18-27 саастаах РФ олохтоохторо ыҥырыллаллар. Аармыйаҕа ыҥырыы хампаанньатын кэмигэр 147 тыһыынча Арассыыйа олохтооҕун ыҥырар былааннаахтар.
СӨ Ил Дарханын уонна Бырабыыталыстыбатын пресс-сулууспата
Тулагы-Киллэм нэһилиэгэр өрөгөйдөөх Кыайыыны уһансыбыттар сырдык ааттарын үйэтитэр өйдөбүнньүк пааматынньыгы үөрүүлээхтик арыйыы буолла. Төрөөбүт дойдутун…
Өрөспүүбүлүкэҕэ буруйу оҥоруу уон түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга…
Помудуору олордуох иннинэ, арассаадаҕа икки-үс хонукка уу куппаппыт, оччоҕуна умнаһа сымныыр, ону буорга эрийэ тутан…
Үөрэх уонна билим миниистирин бастакы солбуйааччы Михаил Присяжнай үөрэххэ туттарсааччыларга анаан үгэс быһыытынан быһа эпииргэ…
Күн-дьыл туруга бу күннэргэ хайдаҕый? Өрөспүүбүлүкэ арҕаа өттүгэр кыралаан ардыыр, соҕуруу диэки сорох сиринэн ардах…
Хой Олус ситиһиилээх күн Онон сөптөөхтүк дьаһаннаххына, үп-харчы, дьиэ кэргэҥҥэ үөрүүлээх түгэннэр үгүс буолуохтара. Бары…