Салгыы
Александр Авдонин тарҕаммыт сурах оруна суоҕун туһунан иһитиннэрдэ

Александр Авдонин тарҕаммыт сурах оруна суоҕун туһунан иһитиннэрдэ

Ааптар:
18.10.2022, 18:39
Бөлөххө киир:

Саха сиригэр быстах хомуурга ыҥырыллар дьон ахсаанын элбэтии ыытыллыбатын туһунан бүгүн өрөспүүбүлүкэ байыаннай хамыһаара Александр Авдонин анал брифиҥҥэ иһитиннэрдэ. Тустаах тэрээһиннэр былаан быһыытынан бараллар. 

Кини иһитиннэрбитинэн, Байыаннай комиссариат доруобуйаларынан сыыйыллыбыт дьон дойдуларыгар төннөллөрүгэр сөптөөх үлэни ыытар. Быстаах хомуур нормативнай докумуоннарыгар кэлин киирбит уларыйыылар чэрчилэринэн, үс уонна онтон элбэх оҕолоох дьону төнүннэрии бара турар. «Ол эрээри, ити уларыйыы ыйыыта биһиэхэ кэлбит  күнүттэн ааҕыллар. Ол аата ыҥырыллыбыт дьон  РФ Сэбилэниилээх күүстэрин Генеральнай ыстааба сөптөөх быһаарыыны биэриэр диэри сулууспалыы хаалаллар», — диэн Александр  Авдонин быһаарар.
Итини тэҥэ, байыаннай хамыһаар  Саха сириттэн быстах хомуурга ыҥырыллыбыттар туттар малынан-салынан, таҥаһынан-сабынан хааччыллыылара суоҕун туһунан иһитиннэрии адьас орону суоҕун туһунан иһитиннэрдэ. Тиийбит дьон бары бронежилеттарынан уонна анал пуорманан толору хааччыллаллар эбит. «Бу күннэргэ өрөспүүбүлүкэ тустаах суһал ыстаабын бэрэстэбиитэллэрэ  Бүрээтийэ өрөспүүбүлүкэтигэр,  Приморскай кыраайга, Амур уонна Еврейскэй автономнай уобаластарга баар байыаннай чаастарга  сылдьан, барыта этэҥҥэтин  көрөн-истэн итэҕэйэн кэллилэр», — диэн Александр Авдонин иһитиннэрэр. Кини Ил Дархан Айсен Николаев быһаччы көҕүлээһининэн өрөспүүбүлүкэ салалтата уонна уопсастыбаннас  бииргэ үлэлээбиттэрин түмүгэр,  ыҥырыллыбыт хас биирдии киһи тустаах анал пуорманан хааччыллыбытын туһунан иһитиннэрдэ.  Александр Авдонин байыаннай бэлэмнэнии, ортотунан, 10 суукка болдьохтоох буоллаҕына, Саха сириттэн тиийбиттэр арыый да уһуннук үөрэниэхтэрэ диэн эттэ.
Бары сонуннар
Салгыы
28 мая
  • 11°C
  • Ощущается: 8°Влажность: 32% Скорость ветра: 2 м/с

Сообщить об опечатке

Текст, который будет отправлен нашим редакторам: