Василий Кононов хаартыскаҕа түһэриитэ
Ил Түмэн спикерэ Алексей Еремеев салайааччылаах норуот дьокутааттарын оробуочай бөлөҕө муус устар 9 күнүгэр Үөһээ Бүлүүгэ олохтоох бэйэни салайыныыга саҥа сокуону уонна тыа хаһаайыстыбатыгар киирбит мэхэнньиисимнэри ырытар, дьүүллэһэр мунньах буолла.
Ил Түмэн спикерэ Алексей Еремеев мунньах саҕаланыытыгар маннык диэтэ: «Дьон-сэргэ этиитин, санаатын истэ кэллибит. Олохтоох бэйэни салайыныыга федеральнай сокуон ылылынна. Бу сыл бүтүөр диэри бэйэбит сокуоммутун ылыныахтаахпыт уонна олохтоох бэйэни салайыныы систиэмэтин оннугар туруоруохтаахпыт. 2026 сылга ол сокуон чэрчитинэн муниципалитеттар бэйэлэрин устааптарыгар уларытыы киллэриэхтээхтэр. Ити федеральнай сокуоммут бүгүҥҥүтэ 2027 сыл тохсунньу 1 күнүттэн үлэлээн барыахтаах. Онуоха салгыы хайдах үлэлиибит?»
Маны таһынан, былырыын Ил Түмэн тыа хаһаайыстыбатыгар сыһыаннаах сокуон ылбыта. Ол чэрчитинэн, тыа хаһаайыстыбатын сорох боломуочуйалара улуустарга бэриллибитинэн үөскүүр балаһыанньаны олохтоох нэһилиэнньэни кытта Ил Түмэн оробуочай бөлөҕө ырытыахтааҕын Ил Түмэн бэрэссэдээтэлэ эттэ.
«Улуустарга хамсааһын барда. Үгүстэрэ төбөҕө бэриллэр субсидияны кыччатан, үүт субсидиятыгар олоҕурбут сыананы куоһарар төлөбүрү ыла олороллор. Миэстэтигэр тэрээһин үлэтэ, дьону-сэргэни кытта кэпсэтии итинник ыытылла турар. Билигин уратытык дьаһанан икки улуус үлэлии олорор – Мэҥэ Хаҥалас уонна Уус Алдан. Холобур, Мэҥэ Хаҥалас үүт харчытын 102 солк тириэртэ», – диэн Алексей Ильич быһаарда.
Салгыы Ил Түмэн олохтоох салайыныыга сис кэмитиэтин бэрэссэдээтэлэ Владимир Прокопьев иһитиннэрбитинэн, кулун тутар 20 күнүгэр «Аһаҕас былаас биир уопсай тиһигэр олохтоох салайыныыны тэрийии уопсай тосхоллорун туһунан» диэн 33 №-дээх Федеральнай сокуон дойду бэрэсидьиэнэ Владимир Путин илии баттаан бигэргэтэн ылылынна.
«2027 сыл тохсунньу 1 күнүттэн боломуочуйалаах чааһа үлэҕэ киириэхтээх. Ол аата икки түһүмэхтээх. Боломуочуйаттан ураты сүрүн чааһа олоххо киирэн барыахтаах. Федеральнай сокуон РФ субъектарыгар салайыы ханнык мадьыалын талалларыгар быраабы биэрэр – биир таһымнаах систиэмэҕэ толору көһүү, билигин баар икки таһымнаах систиэмэни оннунан хаалларыы, эбэтэр булкаас мадьыалы талыы, ол, биллэн турар, үчүгэй түгэн», – диэн Ил Түмэн сис кэмитиэтин бэрэссэдээтэлэ быһаарда.
Аһаҕас былаас биир уопсай тиһигэр олохтоох салайыныыны тэрийии сокуонун туһунан салгыы манна аах.
Владимир Михайлович дакылаатын кэнниттэн нэһилиэк баһылыктара, тыа хаһаайыстыбатын кэпэрэтииптэрин уонна бааһынай хаһаайыстыбаларын салайааччылара, бу салаа исписсэлиистэрэ бэйэлэрин ыйытыыларын биэрдилэр. Ол курдук, тыа сиригэр баһылык быыбарын, быыбарга турар хандьыдаат тургутук ааһыытын, кликра уонна ыт сокуонун туһунан чопчуластылар.
Маны таһынан, тыа сиригэр исписсэлиистэри олохсутууну тула, Саха Сирин бүддьүөтүгэр болҕомто туһаайылынна. Тэриллиилээх хаһаайыстыбалар салайааччылара сэлээркэ ыараан, үлэҕэ-хамнаска охсорун этэн туран, көрүллэр өйөбүл кээмэйэ үрдүүрүгэр баҕа санааларын тиэртилэр.
Салгыы Ил Түмэн тыа сиригэр уонна аграрнай бэлиитикэҕэ сис кэмитиэт бэрэссэдээтэлэ Александр Атласов тыа хаһаайыстыбатыгар киирбит уларыйыылары кэпсээтэ.
Ил Түмэн пресс-сулууспата
Василий Кононов хаартыскаҕа түһэрдэ
Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай…
«Магнитнай буурҕа бүттэ, геомагнитнай индекстэр күөх зонаҕа төнүннүлэр», — диэн РНА Космическай билим-чинчийэр институтун Күн…
СӨ Ил Дархан иһинэн үлэлиир Инновационнай менеджмент үрдүкү оскуолатын үлэһитэ Александра Турантаева "Саха сирэ --…
Дьокуускайга олорор биэнсийэлээх дьахтар урут бииргэ үлэлээбит кэллиэгэтигэр көмөлөһөөрү түөкүттэр угаайыларыгар киирэн биэрбит. Ол түмүгэр,…
Саха сириттэн сылдьар байыастарга тирэх пууннарынан 1248 баһыылка тиэрдилиннэ. Бу туһунан Ил Дархан Айсен Николаев…
Бэҕэһээ, бэс ыйын 3 күнүгэр, Мииринэйтэн Дьокуускай аэропордугар АЛРОСА авиахампаанньа үс эһэни аҕалла. Ийэтэ суох…