СӨ Судаарыстыбаннай мунньаҕын (Ил Түмэн) бэрэссэдээтэлэ Алексей Еремеев Уһук Илин, Арктика уонна Антарктика сайдыыларын боппуруостарыгар сэбиэт уочараттаах мунньаҕар кытынна.
Уһук Хоту сир оройуоннарыгар уонна онуоха тэҥнээх сирдэргэ бородууктаны (табаары) таһыы тиэмэтигэр анаммыт мунньаҕы Федерация Сэбиэтин бэрэссэдээтэлин солбуйааччы Галина Карелова ыытта.
Федерация сэбиэтин вице-спикрэ Галина Карелова хотугу сиргэ таһаҕаһы тириэрдиигэ судаарыстыба өйөбүлүн систиэмэтин оҥорууну Арктика социальнай-экэнэмиичэскэй сайдыытын биир дьоһун суолталаах соругунан ааттаата. Кини иһитиннэрбитинэн, билигин дойду 25 эрэгийиэнигэр 3 мөлүйүөн курдук киһи олоҕун-дьаһаҕын хааччыйар 3 мөлүйүөнтэн тахса туонна таһаҕас тиэрдиллэр.
«Маныаха 87 миллиард солкуобай көрүллэр. Ол гынан баран, хотугу сиргэ таһаҕаһы тириэрдии кыттааччыларын хардарыта бииргэ үлэлиир бэрээдэктэрин, кинилэр бырааптарын уонна эбээһинэстэрин быһаарар биир кэлим нуорма-быраап базата баччааҥҥа диэри суох», -– диэтэ сенатор.
Тэрээһин кыттыылаахтара «Хотугу сиргэ таһаҕаһы тириэрдии туһунан» сокуон барылын дьүүллэстилэр.
Алексей Еремеев бэйэтин этиитигэр бу бырайыагы оҥорорго, бастатан туран, хотугу сиргэ таһаҕаһы тириэрдии кыттыылаахтарын үбүнэн өйөөһүн бэрээдэгин учуоттуур наадатын ыйда.
«…Онон сибээстээн, сокуон барылыгар хотугу сиргэ таһаҕаһы тириэрдиигэ бары кыттааччылар хардарыта бииргэ үлэлээһиннэрин бэрээдэгин киллэриэххэ наада. Тырааныспар инфраструктуратын көрүҥнэрэ уонна ону көрүү-истии бэрээдэгэ бу сокуон барылын бэрээдэктээһин эйгэтигэр киллэриллиэхтээхтэр», -– диэтэ Алексей Еремеев.
Бэлэмнэммит сокуон барыла «хотугу сиргэ таһаҕаһы тириэрдии» өйдөбүлү бигэргэтэр, федеральнай, эрэгийиэннээҕи уонна муниципальнай былаастар боломуочуйаларын быһаарар, өйөбүл судаарыстыбаннай систиэмэтин көрөр. Сокуон барыла өссө хотугу сиргэ таһаҕаһы тириэрдии муора биир кэлим операторын, федеральнай уонна эрэгийиэннээҕи сүрүннээччилэри быһаарарыгар этилиннэ.
Галина Карелова бэлиэтээбитинэн, сокуон барылын ситэрэргэ сенатордар үгүс этиилэрэ учуоттаннылар.
Хотугу сиргэ таһаҕаһы тириэрдии саҥа систиэмэтэ 2024 сылтан үлэлиэҕэ.
(СӨ Судаарыстыбаннай Мунньаҕын (Ил Түмэн) матырыйаалларынан)
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…